ایشین اسنوکر چیمپیئن شپ میں پاکستان کے احسن رمضان نے ایران اور افغانستان کے کھلاڑیوں کو ہرا دیا ہے۔
ایران کے شہر تہران میں کھیلے گئے چیمپیئن شپ کے میچز میں پاکستان کے احسن رمضان نے ایران کے ارشیا تہرانی کو 0-3 جب کہ افغانستان کے محمد صادق کو 0-3 سے ہرا دیا۔
ایونٹ میں پاکستانی ٹیم نے کویت کو 2-3 سے اور دوسرے میں پاکستان نے قطر کو 1-3 سے ہرا کر اگلے راؤنڈ کے لیے کوالیفائی کرلیا ہے۔
پیر کو پاکستان کے احسن رمضان کا مقابلہ ایران کے علی للیغانی سے ہوگا۔ ٹیم ایونٹ میں پاکستان کا مقابلہ ایران (ٹو) سے ہوگا۔ منگل کو انڈر 21 کے مقابلوں میں پاکستان کے احسن رمضان کا مقابلہ ملائشیا کے جریمی چاٹ سے ہوگا۔
