پاکستان سپر لیگ (پی ایس ایل) کے آٹھویں سیزن کا نمائشی میچ کوئٹہ گلیڈی ایٹرز اور پشاور زلمی کے درمیان اس وقت بگٹی سٹیڈیم میں کھیلا جا رہا ہے جہاں کوئٹہ گلیڈی ایٹرز نے پشاور زلمی کو جیت کے لئے 185 رنز کا ہدف دیا ہے۔
پشاور زلمی کے کپتان بابراعظم نے ٹاس جیت کر کوئٹہ گلیڈی ایٹرز کے خلاف پہلے فیلڈنگ کا فیصلہ کیا تھا تاہم کوئٹ گلیڈی ایٹرز نے پہلے بیٹنگ کرتے ہوئے 20 اوورزمیں 5 وکٹوں کےنقصان پر184 رنز بنائے ، افتخاراحمد نےکوئٹہ گلیڈی ایٹرز کی طرف سے 94 رنز کی جارحانہ اننگز کھیلی۔
سماجی رابطوں کی ویب سائٹ پر افتخار احمد اس وقت چھائے ہوئے ہیں ۔افتخار احمد نے پشاور زلمی کے فاسٹ باؤلر اور پنجاب کے نگران وزیر کھیل وہاب ریاض کے آخری اوور میں 6 چھکے لگائے جس کے بعد سوشل میڈیا ویب سائٹس پر میمز اور تبصروں کی بھرمار ہوگئی۔
مائیکرو بلاگنگ ویب سائٹ ٹوئٹر پر صارف نے لکھا افتی بھائی کیا کھا کر آئے ہو ناشتے میں۔
Iffti Bhai Kia Kha Kar Ai Ho Nashtay Mein.
Iftikhar Ahmed Hit 6 Sixes To Wahab Riaz💜🔥.#_cricketupdatee
— Cricket Pakistan (@cricketupdatee_) February 5, 2023
ایک اور صارف نے لکھا پنجاب کے سپورٹس منسٹر کو چھ چھکے، یہ افتی مانیا ہے۔
6 sixes to Punjab sports minister. Its ifti Mania 🤩 @IftiAhmed221
— Muhammad Salman Mirza (@salman_mirza321) February 5, 2023
گفتگو آگے بڑھی تو کچھ صارفین وہاب ریاض کے لئے فکرمند نظر آئے۔ ایک نے لکھا ہمارے وزیر کو چھ چھکے مار کے میرے پسندیدہ کھلاڑی افتخار نے اچھا نہیں کیا۔ جو بھی ہو وہ وزیر ہیں بندہ ذرا تو لحاظ کر لیتا۔
ہمارے منسٹر کو چھ چھکے مار کے میرے فیورٹ پلئیر افتخار نے اچھا نہیں کیا 😂، جو بھی ہو وہ منسٹر ہیں بندہ ذرا تو لحاظ کر لیتا ہے😂😂.
— Dr Waqar Bin Umar (@DrWaqarBinUmar) February 5, 2023
واضح رہے کہ ملک کے نامور کھلاڑی کوئٹہ میں جاری اس نمائشی میچ میں حصہ لے رہے ہیں جہاں سیکیورٹی کے سخت انتظامات کئے گئے ہیں۔
