آسکر ایوارڈ یافتہ بھارتی موسیقار اے آر رحمان نے معروف گلوکارہ آشا بھوسلے کو خراج عقیدت پیش کرنے کے لیے تیار کیے جانے والے خصوصی موسیقی کے منصوبے میں بھارتی فلمی دنیا کے بڑے ناموں کو اکٹھا کرلیا۔
’آشا فاریور‘ کے عنوان سے تیار کیے جانے والے اس خراج تحسین میں شاہ رخ خان، سلمان خان، کمال ہاسن اور فلم ساز کرن جوہر شرکت کریں گے۔
یہ بھی پڑھیں: بالی ووڈ میں فرقہ وارانہ اثرات ، اے آر رحمان بول اٹھے
اے آر رحمان نے گزشتہ چند روز کے دوران سماجی رابطے کی ویب سائٹ ایکس پر مختلف پیغامات کے ذریعے منصوبے میں شامل ہونے والی شخصیات کا اعلان کیا اور ان کا شکریہ ادا کیا۔
A heartfelt thank you to dear @IamSrk for graciously agreeing to be part of Asha Bhosle ji’s tribute music video. #ComingSoon #AshaForever
— A.R.Rahman (@arrahman) August 16, 2026
اے آر رحمان نے سب سے پہلے شاہ رخ خان کی شرکت کا اعلان کرتے ہوئے کہا کہ آشا بھوسلے کے اعزاز میں تیار کیے جانے والے موسیقی کے منصوبے کا حصہ بننے پر وہ شاہ رخ خان کے شکر گزار ہیں۔
اگلے روز کمال ہاسن کی شرکت کا اعلان کیا گیا۔ رحمان نے انہیں بھارتی سینما کے لیے گراں قدر خدمات انجام دینے والی لیجنڈ قرار دیتے ہوئے کہا کہ اس خراج تحسین میں ان کی شرکت خصوصی اہمیت رکھتی ہے۔
یہ بھی پڑھیں: شاہ رخ خان اور سلمان خان نئی فلم Tiger vs Pathaanمیں ایک ساتھ کام کریں گے
منگل کو سلمان خان کی شرکت کی بھی تصدیق کی گئی۔ رحمان کے مطابق سلمان خان آشا بھوسلے سے خصوصی محبت رکھتے تھے اور ان کے شاندار ورثے کو خراج تحسین پیش کرنے کے لیے ان کی شرکت اس منصوبے کو مزید خاص بناتی ہے۔
A warm Thank you to the one and only @ikamalhaasan for lending his support for the Asha Bhosle ji’s tribute music video. Having a legend who has enriched Indian cinema in so many ways be part of this tribute is truly special. #ComingSoon #AshaForever
— A.R.Rahman (@arrahman) August 17, 2026
بدھ کو فلم ساز کرن جوہر کی شرکت کا اعلان کیا گیا۔ اے آر رحمان نے ان کے ساتھ ہونے والی ویڈیو کال کو بھی خاص قرار دیا اور کہا کہ موسیقی اور سینما کا جشن منانے کے ساتھ ساتھ نسلوں کے فن کاروں کو آواز دینے والے کرن جوہر کی شرکت اس خراج تحسین کو مزید معنی خیز بناتی ہے۔
آشا بھوسلے 12 اپریل کو 92 برس کی عمر میں متعدد اعضا کے ناکارہ ہونے کے باعث انتقال کرگئی تھیں۔ انہیں ممبئی کے شیواجی پارک شمشان گھاٹ میں مکمل سرکاری اعزاز کے ساتھ سپردِ آتش کیا گیا تھا، جہاں بھارتی فلمی صنعت کی متعدد معروف شخصیات نے شرکت کی۔
یہ بھی پڑھیں: موسیقار اے آر رحمان سے علیحدگی، اہلیہ سائرہ بانو نے خاموشی توڑ دی
‘آشا فاریور’ کے ایک حصے کی ریکارڈنگ آشا بھوسلے کی زندگی میں ہی مکمل کرلی گئی تھی۔ اے آر رحمان کی خواہش تھی کہ آشا بھوسلے مکمل منصوبہ دیکھ سکیں۔
A heartfelt thank you to dear @BeingSalmanKhan for agreeing to being part of Asha Bhosle ji’s tribute music video. Your affection for Asha ji and your generosity in celebrating her extraordinary legacy make this moment incredibly special. #ComingSoon #AshaForever
— A.R.Rahman (@arrahman) August 18, 2026
اس ریکارڈنگ میں آشا بھوسلے کے ساتھ لندن کے ٹرینیٹی لابن کنزرویٹوائر آف میوزک اینڈ ڈانس کے موسیقاروں نے بھی حصہ لیا۔ اے آر رحمان اس ادارے کے اعزازی صدر ہیں۔
اے آر رحمان اور آشا بھوسلے کے درمیان کئی دہائیوں پر محیط موسیقی کا تعلق تھا اور دونوں نے ‘رنگیلا رے’، ‘تنہا تنہا’، ‘کہیں آگ لگے’ اور ‘رادھا کیسے نہ جلے’ سمیت متعدد مقبول گیتوں پر ایک ساتھ کام کیا۔
Thank you @karanjohar for so graciously agreeing to being part of Asha Bhosle ji’s tribute music video. The video call was truly special. From celebrating music and cinema to giving a voice to generations of artists, your presence in this tribute feels especially meaningful.…
— A.R.Rahman (@arrahman) August 19, 2026
خراج تحسین کی اس ویڈیو کی ریلیز کی تاریخ تاحال سامنے نہیں آئی، تاہم شاہ رخ خان، سلمان خان، کمال ہاسن اور کرن جوہر جیسے بڑے ناموں کی شمولیت کے بعد منصوبے کے حوالے سے شائقین کی دلچسپی میں اضافہ ہوگیا ہے۔
