بھارت کی ریاست تلنگانہ کے ضلع نلگنڈہ میں پولیس نے 48 سالہ اسکول پرنسپل کے قتل کا معمہ حل کرتے ہوئے دسویں جماعت کے 2 طالب علموں کو گرفتار کرلیا۔ پولیس کے مطابق دونوں طلبہ نے مبینہ طور پر رقم حاصل کرنے اور شاہانہ اخراجات کے لیے قتل کی منصوبہ بندی کی تھی، تاہم واردات کے بعد ان کے غیر معمولی اخراجات نے پولیس کو ان تک پہنچنے میں مدد دی۔
نلگنڈہ کے کونڈاملی پلی میں ناگارجنا پبلک اسکول کی پرنسپل اور ڈائریکٹر کلو روپا ریڈی 12 اگست کو اپنے گھر میں مردہ پائی گئی تھیں۔ ان کے جسم پر چاقو کے 27 زخم تھے۔ خاتون کے شوہر اس وقت حیدرآباد میں تھے اور مسلسل فون کرنے کے باوجود جواب نہ ملنے پر انہوں نے پڑوسیوں کو گھر بھیجا، جنہوں نے پولیس کو اطلاع دی۔
Woman school principal stabbed to death by class X student in Telangana, two juveniles held.
The clinching evidence against the boy (identified as JCL1 Juvenile In Conflict with Law) was recovery of cash which had blood stains on them and a phone.
Nalgonda district… pic.twitter.com/x9H6zRRhU4
— News Arena India (@NewsArenaIndia) August 19, 2026
پولیس نے تحقیقات کے لیے 5 ٹیمیں تشکیل دیں اور سی سی ٹی وی فوٹیج، فرانزک شواہد، فنگر پرنٹس، تکنیکی معلومات اور مشتبہ افراد کی نقل و حرکت کا جائزہ لیا۔ اس دوران پولیس کو روپا ریڈی کی اپنی خالہ سے آخری فون گفتگو کا سراغ ملا۔ فون بند ہونے سے قبل خاتون نے ’بابو‘ کا لفظ استعمال کیا تھا، جس نے تفتیش کاروں کو اسکول کے طلبہ تک پہنچایا۔
پولیس نے 5 ایسے دسویں جماعت کے طلبہ کی نشاندہی کی جو واقعے کے بعد اسکول نہیں آئے تھے۔ ان میں سے 2 طلبہ کے بارے میں معلوم ہوا کہ وہ اچانک بڑی رقم خرچ کررہے اور پارٹیاں دے رہے تھے۔ بدھ کو دونوں کو حراست میں لیا گیا، جہاں پولیس کے مطابق انہوں نے قتل کا اعتراف کیا۔
یہ بھی پڑھیں:کینیڈا: پارک میں خاتون پر جنسی حملے کے الزام میں بھارتی نژاد شخص گرفتار
تفتیش کے مطابق دونوں طلبہ نے روپا ریڈی سے بدلہ لینے کے ساتھ رقم چوری کرنے کا منصوبہ بنایا تھا۔ ماضی میں پرنسپل نے ان کے ہاسٹل بیگز سے نقد رقم اور موبائل فون برآمد ہونے پر انہیں سرزنش کی تھی اور والدین کو اطلاع دی تھی، جس کے بعد انہیں ہاسٹل سے نکال کر ڈے اسکالر بنا دیا گیا تھا۔
پولیس کے مطابق طلبہ نے 5 روز تک گھر کی نگرانی کی، چاقو اور شناخت چھپانے کے لیے دستانے خریدے۔ واردات کے روز ایک طالب علم نے ٹوپی اور دستانے پہن کر گھر میں داخل ہوکر تقریباً ڈھائی لاکھ بھارتی روپے دیکھے اور فرار ہونے لگا، تاہم ٹوپی گرنے سے روپا ریڈی نے اسے پہچان لیا۔ شناخت ظاہر ہونے کے خوف سے طالب علم نے چاقو سے ان پر 27 وار کیے۔
More than a week after private school principal Roopa Reddy was found murdered at her home in Nalgonda district, police have apprehended two Class 10 students of the same school, alleging that they killed her after she caught one of them stealing from her house. Roopa was found… pic.twitter.com/EWgNQOkTMO
— The Times Of India (@timesofindia) August 20, 2026
قتل کے بعد ملزمان نقد رقم لے کر فرار ہوگئے اور خون آلود کپڑے اور ٹوپی دفن کرکے شواہد چھپانے کی کوشش کی۔ پولیس کے مطابق دونوں بعد میں گوا بھی گئے۔ ملزمان سے ایک لاکھ 54 ہزار بھارتی روپے، خون کے دھبوں والے بعض نوٹ، خریدا گیا آئی فون اور مقتولہ کا موبائل فون برآمد کرلیا گیا ہے۔
پولیس کا کہنا ہے کہ ملزمان نے واردات سے قبل ویڈیو شیئرنگ پلیٹ فارم پر جلدی رقم کمانے کے طریقے بھی تلاش کیے تھے۔
