بانی پی ٹی آئی عمران خان کی اڈیالہ جیل سے شفا اسپتال منتقلی کے معاملے پر چیف کمشنر اسلام آباد کی جانب سے دائر نظرثانی درخواست سپریم کورٹ نے اعتراض لگا کر واپس کردی۔
مزید پڑھیں:بانی پی ٹی آئی کو جیل مینوئل کے مطابق علاج کی سہولتیں ملتی رہیں گی، عطا اللہ تارڑ
ذرائع کے مطابق سپریم کورٹ کے رجسٹرار آفس نے نظرثانی درخواست پر گزشتہ روز اعتراضات عائد کیے۔ درخواست کے ساتھ پیپر بکس مکمل نہ ہونے کا اعتراض بھی عائد کیا گیا ہے۔ رجسٹرار آفس کے اعتراضات دور کرنے کے بعد نظرثانی درخواست دوبارہ دائر کی جائے گی۔
واضح رہے کہ سپریم کورٹ نے بانی پی ٹی آئی عمران خان کو اڈیالہ جیل سے شفا اسپتال منتقل کرنے کا حکم دیا تھا، تاہم تاحال ان کی اسپتال منتقلی عمل میں نہیں آسکی۔
مزید پڑھیں:بانی پی ٹی آئی رہائی فورس کیس، وزیراعلیٰ خیبرپختونخوا نے آئینی عدالت میں جواب جمع کرا دیا
ذرائع کے مطابق عمران خان کو اسپتال منتقل کرنے کے معاملے پر حکومتی سطح پر مشاورت جاری ہے، جبکہ شفا اسپتال کو تاحال سب جیل قرار دینے کا نوٹیفکیشن جاری نہیں کیا گیا، جس کے باعث ان کی منتقلی ممکن نہیں ہوسکی۔
