امریکی ایئرلائنز کی پرواز میں لینڈنگ سے کچھ دیر قبل ایک مسافر کے لیپ ٹاپ میں اچانک آگ بھڑک اٹھی، جس کے باعث طیارے میں دھواں پھیل گیا اور متعدد مسافر جھلس گئے۔
مزید پڑھیں:ایئر انڈیا کے طیارے میں دوران پرواز لال بیگوں کی موجودگی، تحقیقات جاری
امریکی ایئرلائنز کی پرواز 2398 اٹلانٹا سے ڈلاس فورٹ ورتھ جا رہی تھی اور اس میں 133 افراد سوار تھے۔ لینڈنگ کے مرحلے میں طیارے کے اندر موجود لیپ ٹاپ میں آگ لگ گئی۔
پائلٹ نے ایئر ٹریفک کنٹرول کو اطلاع دیتے ہوئے بتایا کہ طیارے کے پچھلے حصے میں آگ لگی ہے اور عملہ اسے بجھانے کی کوشش کر رہا ہے۔ پائلٹ کے مطابق لیپ ٹاپ سے 4 سے 5 مسافروں کے ہاتھ جھلسے۔
One person was injured aboard an American Airlines flight when a passenger’s laptop suddenly caught on fire. Upon safely landing in Dallas, firefighters rushed onto the aircraft. @JaclynLeeTV spoke with a passenger on that flight. https://t.co/8W0ff0NoVU pic.twitter.com/uDEAxPjYhw
— World News Tonight (@ABCWorldNews) August 23, 2026
فلائٹ اٹینڈنٹس نے تھرمل کنٹینمنٹ بیگ کی مدد سے آگ پر قابو پالیا اور طیارے نے ڈلاس فورٹ ورتھ انٹرنیشنل ایئرپورٹ پر بحفاظت لینڈنگ کی۔
ایئرپورٹ حکام کے مطابق ایک مسافر کو طبی امداد دی گئی جس کے بعد اسے ہسپتال منتقل کرنے کے بجائے موقع سے ہی فارغ کردیا گیا۔ واقعے کی تحقیقات وفاقی ادارہ ہوا بازی (ایف اے اے) کر رہا ہے۔
مزید پڑھیں:دوران پرواز بھارتی مسافر طیارے میں فنی خرابی، دلی میں ہنگامی لینڈنگ
حکام کے مطابق لیپ ٹاپ اور دیگر برقی آلات میں استعمال ہونے والی لیتھیم آئن بیٹریاں زیادہ گرم ہونے کی صورت میں خطرناک ثابت ہوسکتی ہیں اور ان میں اچانک آگ بھڑکنے کا عمل ’تھرمل رَن اوے‘ کہلاتا ہے۔
