ایک نئی تحقیق میں انکشاف ہوا ہے کہ روزمرہ معمول میں سیڑھیاں چڑھنے کی عادت دل اور خون کی شریانوں سے متعلق بیماریوں سے موت کے خطرے کو نمایاں حد تک کم کرسکتی ہے۔
مزید پڑھیں:دل کے دورے کے خطرے میں کولیسٹرول کی سطح میں تبدیلی ٹرائی گلیسرائیڈز سے زیادہ اہم قرار
تحقیق کے مطابق جو افراد باقاعدگی سے سیڑھیاں چڑھتے ہیں، ان میں دل کے امراض سے موت کا خطرہ سیڑھیاں نہ چڑھنے والوں کے مقابلے میں 39 فیصد کم پایا گیا، جبکہ کسی بھی وجہ سے موت کا خطرہ 24 فیصد کم تھا۔
محققین نے قریباً 19 سو مطالعات کا جائزہ لینے کے بعد 9 مطالعات میں شامل 4 لاکھ 80 ہزار سے زائد افراد کے اعداد و شمار کا تجزیہ کیا، جن کی صحت کا اوسطاً 14 سال تک جائزہ لیا گیا۔
#ScienceSpark | Can Climbing Stairs Reduce the Risk of Heart Disease?
A new study involving more than 4,80,000 people suggests that regular stair climbing may reduce the risk of death from cardiovascular disease by up to 39%.
Here’s what the research says about how this simple… pic.twitter.com/oVcB6NPbV5
— DD News (@DDNewslive) August 23, 2026
تحقیق میں بتایا گیا کہ سیڑھیاں چڑھنے والے افراد میں ہارٹ اٹیک، فالج اور ہارٹ فیل ہونے سمیت بڑے قلبی امراض کا خطرہ بھی کم دیکھا گیا۔ روزانہ تقریباً 6 فلائٹس سیڑھیاں چڑھنا صحت کے لیے خاص طور پر مفید قرار دیا گیا، تاہم محققین کے مطابق تھوڑی سی جسمانی سرگرمی بھی فائدہ مند ہوسکتی ہے۔
مزید پڑھیں:دل کی صحت کے لیے وزن سے زیادہ کمر کا سائز اہم ہوسکتا ہے، تحقیق
ماہرین کا کہنا ہے کہ سیڑھیاں چڑھنا ایک آسان اور کم خرچ جسمانی سرگرمی ہے جسے روزمرہ زندگی میں ورزش کے لیے باقاعدہ وقت نکالے بغیر بھی شامل کیا جاسکتا ہے۔ تاہم یہ تحقیق مشاہداتی نوعیت کی ہے، اس لیے اس سے براہِ راست وجہ اور اثر کا حتمی نتیجہ اخذ نہیں کیا جاسکتا۔
