وزیر دفاع خواجہ آصف نے عمران خان کے حامیوں پر ملک میں بے چینی اور بحران پیدا کرنے کی کوشش کا الزام عائد کرتے ہوئے کہا ہے کہ ان کی عمران خان کی واپسی کے لیے حکومت کی تبدیلی کی امیدیں دم توڑ گئی ہیں۔
خواجہ آصف نے ایک نجی ٹیلیویژن پروگرام سے متعلق صحافی نصرت جاوید کی پوسٹ شیئر کرتے ہوئے لکھا کہ ٹیسٹ میچ کے دوران عمران خان کے بیٹوں کو اسکائی اسپورٹس پر 18 منٹ کا انٹرویو ملنا محض اتفاق نہیں لگتا، جبکہ انہوں نے اس حوالے سے ’صہیونیوں‘ پر اپنے منصوبے کو بچانے کی کوشش کا الزام بھی عائد کیا۔
Shah g, Zionists are clamouring to protect their project. Their desperation is understandable. Media coverage in the middle of a Test match doesn’t come easy. https://t.co/sncdY2hV4U
— Khawaja M. Asif (@KhawajaMAsif) August 29, 2026
ایک اور پوسٹ میں خواجہ آصف نے عمران خان کے سیاسی ماضی کا حوالہ دیتے ہوئے کہا کہ پرویز مشرف کے دور میں مسلم لیگ ن کے کارکن جیلوں میں بھیجے جا رہے تھے، جبکہ عمران خان مشرف سے 100 قومی اسمبلی کی نشستیں مانگ رہے تھے اور انہیں ایک نشست ’تسلی کے انعام‘ کے طور پر ملی۔
یہ بھی پڑھیں:بیوروکریٹس ہی اصل اور مستقل حکمران، کسی حکومت نے ان کا احتساب نہیں کیا، وزیر دفاع خواجہ آصف
عمران خان کی صحت سے متعلق خواجہ آصف نے ان کی بہن اور ڈاکٹروں کے بیان کا حوالہ دیتے ہوئے کہا کہ انہوں نے عمران خان کا بلڈ پریشر چیک کیا جو معمول کے مطابق تھا اور انہیں ’بالکل فٹ‘ قرار دیا۔
Remember when we were being thrown in jails by Musharraf, Imran Khan was licking his shoes, begging him for 100 NA seats. Musharraf gave him one — as a consolation prize. https://t.co/BBbVn3Qg3n
— Khawaja M. Asif (@KhawajaMAsif) August 29, 2026
خواجہ آصف نے الزام لگایا کہ عمران خان کے بیرون ملک حامی خوف اور بے چینی کی فضا پیدا کرکے احتجاج اور سیاسی بحران کو ہوا دینا چاہتے ہیں۔ انہوں نے سی این این کی صحافی بیکی اینڈرسن کی ایک پوسٹ بھی شیئر کی، جس میں پاکستانی حکومت کے مؤقف کا حوالہ دیتے ہوئے کہا گیا تھا کہ عمران خان کی قید عدالتی فیصلوں کے نتیجے میں ہے۔
