فرانس کے جنوبی شہر کینیا-سور-میر میں ایک میوزیم سے معروف فرانسیسی مصور پیئر آگسٹ رینوائر کی 2 پینٹنگز چوری کرلی گئی ہیں۔
چور فرار ہوتے وقت دیگر 2 پینٹنگز میوزیم کے باغ میں چھوڑ گئے۔
یہ واردات فرانس میں حالیہ عرصے کے دوران فن پاروں اور قیمتی نوادرات کی چوری کے سلسلے کی تازہ کڑی ہے۔
یہ بھی پڑھیں: فرانس میں ایک اور بڑی میوزیم ڈکیتی، لالیک میوزیم سے قریباً 40 لاکھ یورو مالیت کے زیورات چوری
گزشتہ سال پیرس کے لوور میوزیم سے دن دہاڑے تقریباً 10 کروڑ ڈالر مالیت کے شاہی زیورات چوری ہونے کا واقعہ بھی پیش آچکا ہے۔
کینیا-سور-میر کے میئر برائن میسن کے مطابق دونوں چور بظاہر خوب تیاری کے ساتھ آئے تھے اور انہیں میوزیم میں موجود رینوائر کے فن پاروں کے بارے میں مکمل معلومات تھیں۔
انہوں نے بتایا کہ چور دھاتی آری سمیت دیگر آلات سے لیس تھے اور انہوں نے رینوائر کی پینٹنگز کے فریموں کو تھامنے والے پسٹن کاٹ دیے۔
€9 Million art heist this morning at the Renoir Museum on the French Riviera.
Thieves broke in and stole 4 paintings, but some reports say they dropped one, and others say two, on the way out.
The theory is that the thieves are being recruited on social media.
Credit: @BBC pic.twitter.com/dy7obdplhQ— Kiki Danger (@itskikidanger) September 8, 2026
تاہم میوزیم میں موجود سیکیورٹی اور پولیس کے سائرن سنائی دینے کے بعد انہیں جلد بازی میں فرار ہونا پڑا اور وہ صرف 4 فن پارے اپنے ساتھ لے جا سکے۔
میئر کے دفتر کے مطابق چوروں نے ان 4 میں سے 2 پینٹنگز میوزیم کے باغ میں ہی چھوڑ دیں۔
حکام نے پہلے چوری ہونے والے فن پاروں کی مجموعی مالیت تقریباً ایک کروڑ ڈالر بتائی تھی۔
چوری ہونے والی 2 پینٹنگز میں ’میڈم کولونا رومانو‘ کے عنوان سے ایک پورٹریٹ اور کنویں پر موجود ایک خاتون کی تصویر ’ژون فیم او پی‘ شامل ہیں۔
دوسری جانب باغ سے برآمد ہونے والے فن پاروں میں ’میڈم پشوں‘ اور ’کوکو لیزاں‘ شامل ہیں، جو رینوائر کے کم عمر بیٹے کلاڈ کی کتاب پڑھتے ہوئے تصویر ہے۔
پولیس نے واردات میں ملوث دونوں ملزمان کی تلاش شروع کر دی ہے، جبکہ حکام میوزیم کی سیکیورٹی اور چوری کے محرکات کا بھی جائزہ لے رہے ہیں۔
