امریکی ریپر میکلمور نے فلسطین کے لیے بڑا قدم اٹھاتے ہوئے ایڈ شیرن کے ساتھ اپنے ٹور سے حاصل ہونے والی آمدن، 10 لاکھ ڈالر، فلسطینیوں کی مدد کرنے والی چھ تنظیموں کو عطیہ کرنے کا اعلان کیا ہے۔
میکلمور نے انسٹاگرام پر جاری بیان میں کہا کہ وہ گفتگو کا رخ فلسطینی عوام کی جانب واپس لانا چاہتے ہیں، جو ان کے بقول اب بھی مشکلات کا سامنا کر رہے ہیں اور اپنے حقوق و آزادی کے لیے جدوجہد کر رہے ہیں۔
View this post on Instagram
ریپر نے ارب پتی کاروباری شخصیت رابرٹ کرافٹ سے بھی اپیل کی کہ وہ ان کے عطیے کے برابر رقم عطیہ کریں۔ میکلمور نے کہا کہ اختلافات اپنی جگہ لیکن اس بات پر اتفاق ہونا چاہیے کہ فلسطینیوں کی جانیں بھی تحفظ کی مستحق ہیں۔
میکلمور نے واضح کیا کہ فلسطین کے حوالے سے ان کا مؤقف شہرت یا تنازع کے لیے نہیں بلکہ فلسطینیوں کے آزادی، وقار اور تحفظ کے حق کے لیے ہے۔ ان کا کہنا تھا کہ صرف امداد اس بحران کا مکمل حل نہیں بلکہ حقیقی ضرورت سیاسی تبدیلی کی ہے۔
یہ بھی پڑھیں: فلسطین سے اظہار یکجہتی، پاکستان کا اسرائیل کے خلاف شطرنج میچ کا بائیکاٹ
انہوں نے بتایا کہ ان کی عطیہ کی جانے والی رقم فلسطین چلڈرنز ریلیف فنڈ، ہیل فلسطین، غزہ سوپ کچن، میڈیکل ایڈ فار فلسطین، UNRWA اور امریکن نیئر ایسٹ ریفیوجی ایڈ سمیت چھ تنظیموں کو دی جائے گی۔
دوسری جانب رابرٹ کرافٹ نے اپنے بیان میں کہا کہ وہ اور ایڈ شیرن پہلے ہی خطے میں امداد کے لیے 20 لاکھ ڈالر عطیہ کرنے پر رضامند ہوچکے ہیں۔ کرافٹ کے مطابق شیرن دیگر مقامات کے مالکان سے بھی اسی طرح کے عطیات کی درخواست کر رہے ہیں۔
Statement from Robert Kraft pic.twitter.com/as3f4RUKse
— Gillette Stadium (@GilletteStadium) September 16, 2026
واضح رہے کہ میکلمور کو رواں ہفتے ایڈ شیرن کے ’لوپ ٹور‘ سے الگ کردیا گیا تھا، جس کے بعد ٹور میں شامل دیگر معاون فنکاروں نے بھی ان سے اظہارِ یکجہتی کرتے ہوئے مستقبل کے شوز سے دستبرداری کا اعلان کیا تھا۔
