پاکستان اور مالدیپ نے تجارت، علاقائی و بین الاقوامی رابطوں، اقتصادی تعلقات، کاروباری شعبے کے درمیان روابط، تعلیم و تدریس اور دفاع سمیت مختلف شعبوں میں تعاون مزید بڑھانے پر اتفاق کیا ہے۔
نائب وزیراعظم و وزیر خارجہ اسحاق ڈار نے نیویارک میں اقوام متحدہ کی جنرل اسمبلی کے 81ویں اجلاس کے موقع پر مالدیپ کے وزیر خارجہ اریتھوشام آدم سے ملاقات میں پاکستان اور مالدیپ کے درمیان دوطرفہ تعلقات اور باہمی تعاون کے مختلف پہلوؤں کا جائزہ لیا۔
یہ بھی پڑھیں: پاکستان مالدیپ کے ساتھ مختلف شعبوں میں تعاون بڑھانے کے لیے پرعزم ہے، شہباز شریف
ملاقات کے دوران دونوں جانب سے پاکستان اور مالدیپ کے تعلقات میں مثبت پیش رفت پر اطمینان کا اظہار کرتے ہوئے دوطرفہ روابط کو مزید مستحکم کرنے کے لیے اعلیٰ سطحی مسلسل رابطوں کی اہمیت پر اتفاق کیا گیا۔
Deputy Prime Minister/Foreign Minister Senator Mohammad Ishaq Dar @MIshaqDar50 met with the Foreign Minister of the Maldives, H.E. Iruthisham Adam, on the sidelines of the 81st Session of the UN General Assembly in New York.
The two sides reviewed bilateral relations and… pic.twitter.com/ZXQbEfrtgg
— Ministry of Foreign Affairs – Pakistan (@ForeignOfficePk) September 24, 2026
دونوں وزرائے خارجہ نے تجارت، علاقائی و بین الاقوامی رابطوں، اقتصادی تعلقات، کاروباری شعبے کے درمیان روابط، تعلیم و تدریس اور دفاع سمیت مختلف شعبوں میں تعاون مزید بڑھانے پر اتفاق کیا۔
مزید پڑھیں: مالدیپ کی امریکا ایران کشیدگی کم کرانے کے لیے پاکستان کے کردار کی تعریف
ملاقات میں کثیرالجہتی سطح پر بھی تعاون میں اضافے پر زور دیا گیا، دونوں ممالک نے اقوام متحدہ، اسلامی تعاون تنظیم اور جنوبی ایشیائی علاقائی تعاون کی تنظیم سارک سمیت مختلف فورمز پر باہمی دلچسپی کے امور پر قریبی تعاون جاری رکھنے کے عزم کا اعادہ کیا۔
مالدیپ کے وزیر خارجہ نے پاکستان کے ساتھ اپنے ملک کے دیرینہ تعلقات کو مزید مضبوط بنانے کی اہمیت پر زور دیا۔
