تھائی لینڈ کے دارالحکومت بنکاک میں مبینہ طور پر اپنی بیوی کو تلاش کرنے والے 24 سالہ شخص نے چاقو سے راہ گیروں پر حملہ کردیا اور دکانوں و املاک میں توڑ پھوڑ کی، جس کے نتیجے میں 3 افراد زخمی ہوگئے۔
تھائی میڈیا کے مطابق واقعہ 24 ستمبر کو بنکاک کے مصروف اسوک علاقے میں پیش آیا، جہاں میانمار سے تعلق رکھنے والے شخص نے چاقو لہراتے ہوئے دکانوں میں توڑ پھوڑ کی اور وہاں موجود افراد پر حملہ کیا۔
A 22-year-old man allegedly went on a knife-wielding rampage in Bangkok after a dispute with his girlfriend.
Three people were injured as the man attacked passers-by and damaged property before police restrained him pic.twitter.com/L9aLojfbzK
— TRT World (@trtworld) September 25, 2026
مقامی میڈیا کے مطابق حملے میں 30 سالہ تھائی شخص کے چہرے، 30 سالہ میانمار کی خاتون کے سر اور 58 سالہ تھائی خاتون کے چہرے پر چاقو کے وار سے زخم آئے۔ پولیس نے موقع پر پہنچ کر حملہ آور کو قابو کیا، جبکہ زخمیوں اور ملزم کو اسپتال منتقل کیا گیا۔
تھائی میڈیا کے مطابق موقع پر موجود افراد نے بتایا کہ حملہ آور اپنی بیوی کو تلاش نہ کرپانے کے باعث پریشان تھا، تاہم حکام نے اس اطلاع کی آزادانہ تصدیق نہیں کی۔ پولیس واقعے کے محرکات اور دیگر حالات کی تحقیقات کر رہی ہے۔
یہ بھی پڑھیں:تھائی لینڈ اور سنگاپور کے وزرائے اعظم کی میوزیکل ڈپلومیسی، ویڈیو وائرل
واقعے کے دوران حملہ آور نے دکانوں، کھانے کے اسٹالز اور دیگر املاک کو بھی نقصان پہنچایا، جبکہ پولیس نے صورتحال پر قابو پانے کے بعد شواہد جمع کرنا شروع کردیے۔
