پاکستان کرکٹ بورڈ (پی سی بی) نے صائم ایوب کو جاری سہ ملکی ون ڈے سیریز کے بقیہ میچز کے لیے قومی اسکواڈ سے ریلیز کردیا ہے، جبکہ ان کی جگہ صاحبزادہ فرحان کو ٹیم میں شامل کرلیا گیا ہے۔
مزید پڑھیں:سی پی ایل 2026، صائم ایوب جمیکا کنگز مین اسکواڈ کا حصہ بن گئے
صائم ایوب نے ہیڈ کوچ سے گفتگو کے بعد بیٹنگ فارم بہتر بنانے اور اعتماد بحال کرنے کے لیے ڈومیسٹک کرکٹ میں واپس جانے کی خواہش ظاہر کی تھی۔
پی سی بی کے مطابق ٹیم انتظامیہ اور قومی سلیکشن کمیٹی نے صائم ایوب کی موجودہ فارم کے بارے میں ان کی دیانت دارانہ رائے کو سراہتے ہوئے ان کی درخواست قبول کرلی۔
قومی سلیکشن کمیٹی نے سہ ملکی سیریز کے بقیہ مقابلوں کے لیے صاحبزادہ فرحان کو صائم ایوب کے متبادل کے طور پر نامزد کیا ہے۔
مزید پڑھیں:فخر زمان اور صائم ایوب آسٹریلیا کے خلاف ون ڈے سیریز سے باہر
پاکستان ٹیم مسلسل 3 میچز جیت کر سہ ملکی سیریز کے فائنل میں جگہ بنا چکی ہے۔ قومی ٹیم سیریز کے 5ویں میچ میں منگل، 27 اکتوبر کو لاہور کے قذافی اسٹیڈیم میں سری لنکا کے مدمقابل ہوگی۔
