وفاقی وزیر تجارت جام کمال خان نے قطر کے دارالحکومت دوحہ میں پاکستانی مصنوعات کے ایکسپورٹ ڈسپلے سینٹر کا افتتاح کردیا۔ وزارتِ تجارت کے مطابق اس مرکز کے قیام کا مقصد قطری منڈی میں پاکستانی مصنوعات کی تشہیر اور ملکی برآمدات کو فروغ دینا ہے۔
اس موقع پر جام کمال خان نے دوحہ میں مقیم پاکستانی کاروباری برادری سے بھی ملاقات کی، جس میں پاکستان اور قطر کے تجارتی تعلقات مضبوط بنانے اور پاکستانی برآمدات میں اضافے کے مواقع پر تبادلہ خیال کیا گیا۔
وفاقی وزیر تجارت جام کمال خان نے قطر کے دارالحکومت دوحہ میں پاکستانی مصنوعات کے ایکسپورٹ ڈسپلے سینٹر کا افتتاح کر دیا
ایکسپورٹ ڈسپلے سینٹر کا مقصد قطر کی منڈی میں پاکستانی مصنوعات کی تشہیر اور برآمدات کو فروغ دینا ہے، وزارتِ تجارت@KulAalam @HussainAhmedCh8 @lahoreqalandars pic.twitter.com/5jXxkAK5Nv— Media Talk (@mediatalk922) October 28, 2026
وفاقی وزیر تجارت نے کہا کہ قطری منڈی میں پاکستانی مصنوعات کی رسائی بڑھانے کے لیے کاروباری روابط مضبوط بنانا ضروری ہے۔ بیرونِ ملک مقیم پاکستانی کاروباری برادری ملکی برآمدات کے فروغ میں اہم کردار ادا کرسکتی ہے۔
ملاقات میں پاکستانی برآمد کنندگان اور قطری کاروباری اداروں کے درمیان براہِ راست روابط بڑھانے پر بھی زور دیا گیا۔ وزارتِ تجارت کے مطابق ایکسپورٹ ڈسپلے سینٹر پاکستانی مصنوعات کو قطری خریداروں کے سامنے متعارف کرانے اور نئی تجارتی راہیں کھولنے میں معاون ثابت ہوگا۔
یہ بھی پڑھیں:خطے میں بڑی معاشی طاقتیں موجود ہونے کے باوجود پاکستان پر اعتبار کیا جارہا ہے، جام کمال
جام کمال خان نے کہا کہ پاکستان اور قطر کے درمیان تجارتی و اقتصادی تعاون کو مزید وسعت دینے کے لیے پرعزم ہیں۔ ان کے مطابق پاکستانی مصنوعات کو عالمی منڈیوں تک پہنچانا اور نئی برآمدی منڈیوں کی تلاش حکومت کی اہم ترجیحات میں شامل ہے۔
