امریکی نائب صدر جے ڈی وینس نے ایران کی قومی سلامتی کمیٹی کے سربراہ محسن رضائی کو خط لکھا ہے کہ آئیں! مذاکرات کا سلسلہ بحال کرتے ہیں جس میں ایران کے جوہری پروگرام پر بھی بات چیت ہو۔ انہوں نے کہا کہ ممکنہ امریکی فوجی حملوں کو روکنے کے لیے کسی بھی مذاکرات میں ایران کے جوہری پروگرام پر بات چیت لازمی ہوگی۔
ایک اعلیٰ امریکی اہلکار کے مطابق امریکی نائب صدر جے ڈی وینس نے ایران کی قومی سلامتی کمیٹی کے سربراہ محسن رضائی کو خط ارسال کیا ہے، جس میں اس بات پر زور دیا گیا ہے کہ امریکی حملوں کو ٹالنے کے لیے کسی بھی قسم کے مذاکرات کا آغاز ’جوہری مسئلے پر بات چیت‘ کا تقاضا کرتا ہے۔
امریکی میڈیا ادارے ’ایکسیوس‘ کے مطابق ایران کی قومی سلامتی کمیٹی کے اہم رکن محسن رضائی کو بھیجا گیا یہ خط جس کا بنیادی محور امریکا اور ایران کے درمیان دوبارہ مذاکرات کے امکانات پر غور کرنا ہے،گزشتہ چند ماہ کے دوران امریکا کی جانب سے ایران سے کیا جانے والا اعلیٰ ترین سطح کا رابطہ ہے۔
🔴 BREAKING: US Vice President Vance reaches out to Iran security chief in bid to restart peace talks, WSJ reports https://t.co/wAwfVtmJbg pic.twitter.com/IvYUjtiC9c
— Arab News (@arabnews) October 28, 2026
یہ پیشرفت ایک ایسے وقت میں سامنے آئی ہے جب صدر ڈونلڈ ٹرمپ مڈ ٹرم انتخابات کے بعد ایران میں بڑی سطح پر کارروائیاں دوبارہ شروع کرنے کے بارے میں سوچ رہے ہیں۔
نائب صدر وینس نے خود محسن رضائی کو یہ خط بھیجنے کی تجویز دی تھی۔ محسن رضائی کا شمار ایران کے اہم ترین سیکیورٹی حکام میں ہوتا ہے اور ان کا سپریم لیڈر مجتبیٰ خامنہ ای کے ساتھ براہ راست رابطہ ہے۔
واقعات کی تصدیق کرتے ہوئے امریکی اہلکار نے بتایا کہ صدر ٹرمپ اس خط کی ارسال پر کافی پرجوش تھے۔ تاہم اہلکار نے یہ بتانے سے گریز کیا کہ یہ خط کب بھیجا گیا تھا۔
واضح رہے کہ اس خط کی خبر سب سے پہلے امریکی اخبار ‘وال اسٹریٹ جرنل’ نے شائع کی تھی۔
یہ بھی پڑھیے ایران جنگ پر امریکا کے اخراجات 47 ارب ڈالر سے تجاوز کرگئے
مذاکرات کی بحالی کی راہ میں سب سے بڑی رکاوٹ دونوں ممالک کی سخت شرائط ہیں۔ ایران کا مطالبہ ہے کہ امریکا مذاکرات سے پہلے اس پر عائد بحری ناکہ بندی ختم کرے، اس کے منجمد اثاثے بحال کرے اور تیل کی فروخت کی اجازت دے۔ دوسری جانب امریکا کی شرط ہے کہ ایران کو کسی بھی قسم کی پابندیوں میں نرمی سے پہلے جوہری مذاکرات کا دوبارہ آغاز کرنا ہوگا۔
امریکی صدر کا مؤقف
بدھ کے روز صحافیوں سے گفتگو کرتے ہوئے صدر ٹرمپ کا کہنا تھا کہ وینس کے اس خط کا مقصد ایران کو ضروری طبی سامان کی فراہمی میں مدد فراہم کرنا ہے۔
ان کا کہنا تھا ’بنیادی طور پر اس اقدام کا مقصد وہاں کے بیمار اور متاثرہ افراد تک امداد اور سامانِ زیست پہنچانا ہے۔‘
