وزیراعلیٰ پنجاب مریم نواز شریف سے لاہور چیمبر آف کامرس اینڈ انڈسٹری کے نو منتخب صدر علی حسام نے ملاقات کی، جس میں تاجر برادری کی فلاح و بہبود، صنعتی ترقی اور کاروباری سرگرمیوں کے فروغ پر تبادلہ خیال کیا گیا۔
مزید پڑھیں:وزیراعلیٰ پنجاب مریم نواز شریف مری پہنچ گئیں، اہم اجلاس اور ملاقاتیں متوقع
ملاقات میں خواجہ شاہزیب اکرم اور خواجہ وسیم افضل بھی موجود تھے۔ وزیراعلیٰ مریم نواز شریف نے لاہور چیمبر کے نو منتخب صدر علی حسام کو مبارک باد دی۔ اس موقع پر چیمبر کے وفد نے کاروباری برادری کو درپیش مسائل کے حل کے لیے مختلف تجاویز اور سفارشات پیش کیں۔
وزیراعلیٰ پنجاب مریم نواز شریف سے لاہور چیمبر آف کامرس اینڈ انڈسٹری کے نو منتخب صدر علی حسام نے ملاقات کی، جس میں تاجر برادری کی فلاح و بہبود، صنعتی ترقی اور کاروباری سرگرمیوں کے فروغ پر تبادلہ خیال کیا گیا۔
@abduljabbarisb @KulAalam https://t.co/dl0pDRDbfQ— Media Talk (@mediatalk922) October 29, 2026
مریم نواز شریف نے وفد کو قابلِ عمل تجاویز پر عملدرآمد کی یقین دہانی کراتے ہوئے کہا کہ تاجر برادری کے مسائل کے حل کے لیے تمام ممکنہ اقدامات کیے جائیں گے۔ پنجاب کو کاروبار دوست صوبہ بنانے کے لیے ڈیجیٹلائزیشن کا عمل تیزی سے جاری ہے، جبکہ تاجروں، صنعت کاروں اور سرمایہ کاروں کی سہولت کے لیے ای بز متعارف کرایا گیا ہے۔
وزیراعلیٰ نے کہا کہ صنعتی ترقی کے فروغ کے لیے سرخ فیتے کی رکاوٹیں دور کی جا رہی ہیں تاکہ کاروباری سرگرمیوں کو آسان بنایا جا سکے۔
مزید پڑھیں:ہواوے کے وفد کی وزیراعلیٰ پنجاب مریم نواز شریف سے ملاقات، مصنوعی ذہانت کے فروغ پر اتفاق
لاہور چیمبر آف کامرس کے صدر علی حسام نے وزیراعلیٰ مریم نواز شریف کے عوام دوست اقدامات اور امن و امان کے قیام کے لیے کوششوں کو سراہا۔ ان کا کہنا تھا کہ وزیراعلیٰ مریم نواز شریف اور ان کی ٹیم پنجاب میں مثالی کارکردگی کا مظاہرہ کر رہی ہے۔ خواجہ شاہزیب اکرم نے بھی کہا کہ مریم نواز شریف دن رات محنت کرکے پنجاب کو مثالی صوبہ بنا رہی ہیں۔
a
