پاکستان ٹیلی کمیونی کیشن اتھارٹی (پی ٹی اے) نے غیر فعال سمز سے منسلک واٹس ایپ اکاؤنٹس بلاک کرنا شروع کردیے ہیں۔
پی ٹی اے حکام نے بتایا ہے کہ یہ اقدام صارفین کو آگاہی مہم کے ذریعے خبردار کرنے کے بعد کیا گیا ہے۔ اتھارٹی نے صارفین کو ہدایت کی تھی کہ وہ اپنے واٹس ایپ اکاؤنٹس ایسے موبائل نمبروں سے منسلک رکھیں جو فعال ہوں اور ان کے زیرِ استعمال ہوں۔
Stay alert! Scammers may pretend to be from PTA, banks, or courier services. Never share your personal details or click suspicious links. Report scams immediately via PTA’s complaint portal https://t.co/g5LmaQaUYH or CMS App.
#PTA #ScamAlert #StaySafeOnline #CyberSafety #DigitalSecurity #BewareOfScammers— PTA (@PTAofficialpk) October 23, 2026
پی ٹی اے کے مطابق غیر فعال یا منسوخ شدہ سمز کے نمبر ٹیلی کام کمپنیوں کی جانب سے بعد میں دوسرے صارفین کو جاری کیے جاسکتے ہیں۔ ایسی صورت میں پرانے نمبر سے منسلک واٹس ایپ اکاؤنٹ کے غلط استعمال یا غیر مجاز رسائی کا خدشہ پیدا ہوسکتا ہے۔
مزید پڑھیں:اسٹارلنک پاکستان میں کب سروس شروع کرے گا؟ پی ٹی اے چیئرمین نے اہم شرائط بتادیں
اتھارٹی نے صارفین کو ہدایت کی ہے کہ وہ اپنی سمز کی موجودہ حیثیت چیک کریں۔ جن افراد نے موبائل نمبر تبدیل کرلیا ہے، وہ واٹس ایپ کے ’چینج نمبر‘ فیچر کے ذریعے اپنا اکاؤنٹ نئے فعال نمبر پر منتقل کریں تاکہ اکاؤنٹ تک رسائی برقرار رہے۔
