حکومتِ بلوچستان کی جانب سے نوجوان نسل کی قابلیت نکھارنے کے لیے کوئٹہ میں سہ روزہ نیشنل یوتھ سمٹ (NYS- 2023) سیمینار کا انعقاد کیا گیا
سیمینار کا موضوع تھا:
Harnessing youth Potential for Resilient Future Navigation Challenges & Driving
Change
سیمینار کی تقریب میں وزیر اعلیٰ بلوچستان کے ترجمان بابر خان یوسفزئی، کوآرڈینیٹر برائے نوجوانان نواب زادہ جمال خان رئیسانی اور ملک بھر سے 400سے زائد مندوبین نے شرکت کی۔
مقررین نے یوتھ سمٹ سے اپنے خطابات میں نوجوانوں کی قائدانہ صلاحیتوں کا اعتراف کیا اور ان پر زور دیا کہ وہ ملک کی تعمیر وترقی میں اپنا کردار ادا کریں۔
مقررین نے اظہار خیال کرتے ہوئے کہا کہ کسی بھی ملک کی تعمیر وترقی میں نوجوان کا کردار بہت زیادہ اہمیت کا حامل ہوتا ہے۔ نوجوانوں کے پاس غیر متزلزل عزم اور لامحدود توانائی ہوتی ہے جو معاشرے میں ایک پرامن انقلاب برپا کر سکتی ہے۔
حکومتِ بلوچستان کی جانب سے نوجوان نسل کی قابلیت نکھارنے کے حوالے سے کوئٹہ میں سہ روزہ نیشنل یوتھ سمٹ کا انعقاد کیا گیا. تقریب میں وزیر اعلیٰ بلوچستان کے ترجمان بابر خان یوسفزئی، کوآرڈینیٹر برائے نوجوانان نواب زادہ جمال خان رئیسانی نے شرکت کی۔#balochistan #Youthsummit #WENews pic.twitter.com/HMhsY1QJF9
— WE News (@WENewsPk) June 28, 2023
انہوں نے کہا کہ یہ فورم ایسے با صلاحیت نوجوانوں کا ایک ایسا خوبصورت گلدستہ ہے جو آپس میں اتحادواتفاق قائم رکھتے ہوئے ملک کی تعمیر وترقی میں بھرپور شرکت کرکے اپنا کردار ادا کر سکتا ہے۔
وزیر اعلیٰ بلوچستان کے ترجمان بابر خان یوسفزئی نے بلوچستان یوتھ پالیسی کا مسودہ جلداز جلد صوبائی اسمبلی سے منظور کروانے کا اعادہ بھی کیا۔ انہوں نے کہا کہ صوبے کے نوجوانوں کی آواز کو فیصلہ سازی کے عمل میں شامل کرنے کے لیے بھرپور کردار ادا کریں گے۔ انہوں نے کہا کہ سیمینار کے انعقاد سے نوجوانوں میں اعتماد کے علاوہ دور حاضر کے قومی، علاقائی و بین الاقوامی سماجی و اقتصادی مسائل پر جامع بحث کا پلیٹ فارم فراہم کیا گیا ہے۔
اس موقع پر شریک نوجوانوں کی جانب علاقائی ملبوسات زیب تن کیے ثقافتی رقص کا مظاہرہ بھی کیا گیا۔
شرکا نے اس موقع پر توقع ظاہر کی کہ بلوچستان میں ایسی تقریبات کےانعقاد سے صوبے کی نوجوان نسل کو اپنی قابلیت اور سوچ کو مزید نکھارنے کا موقع ملے گا۔
