ارجنٹائن کے عالمی شہرت یافتہ فٹبالر لیونل میسی 39 برس کی عمر میں بھی اپنی غیر معمولی صلاحیتوں کا مظاہرہ جاری رکھے ہوئے ہیں اور اب وہ میجر لیگ سوکر (ایم ایل ایس) میں ایک اور تاریخ ساز اعزاز اپنے نام کرنے کے قریب پہنچ گئے ہیں۔
لیونل میسی نے اتوار کو نیو انگلینڈ ریوولوشن کے خلاف اہم مقابلے میں آخری لمحات میں شاندار گول کرکے اپنی ٹیم انٹر میامی کو 1-2 سے فتح دلادی، اس کامیابی کے ساتھ انٹر میامی ایسٹرن کانفرنس میں 59 پوائنٹس کے ساتھ دوسری پوزیشن پر پہنچ گئی۔
یہ بھی پڑھیں: 39 برس کی عمر میں بھی لیونل میسی کی پھرتی برقرار، 4 منٹ میں 2 گول داغ کر ٹیم کو فتح دلوادی
میچ میں نیو انگلینڈ نے 53ویں منٹ میں ڈینیئل گازداغ کے گول کی بدولت برتری حاصل کی، تاہم میسی اور ان کے ساتھی کھلاڑیوں نے شاندار کم بیک کرتے ہوئے مقابلے کا نقشہ بدل دیا۔
69ویں منٹ میں ٹیلاسکو سیگوویا کی عمدہ موو کے بعد جرمن بیرٹرامے نے ہیڈر کے ذریعے گیند جال میں پہنچا کر مقابلہ برابر کردیا۔
اس کے بعد 83ویں منٹ میں میسی نے اپنی انفرادی مہارت کا مظاہرہ کرتے ہوئے حریف کھلاڑیوں کو چکمہ دیتے ہوئے بائیں پاؤں سے خوبصورت شاٹ لگا کر فیصلہ کن گول اسکور کیا۔
Messi scores another Banger and Football Twitter is already in TEARS.
Imagine being this obsessed with a 39-year-old who just keeps delivering. RENT FREE.#Messi #InterMiami #MLS #FootballTwitter pic.twitter.com/mYke8pmSnN
— tracksideculer | Barca • F1 • MotoGP (@TracksideCuler) November 2, 2026
اس گول کے ساتھ میسی کے رواں سیزن میں لیگ گولز کی تعداد 26 ہوگئی ہے اور وہ گولڈن بوٹ کی دوڑ میں ایف سی ڈلاس کے پیٹار موسا سے چار گول آگے ہیں، جنہوں نے 22 گول کیے ہیں۔
ایم ایل ایس میں گولڈن بوٹ کا اعزاز 2005 سے گولز کی تعداد کی بنیاد پر دیا جارہا ہے، تاہم اس فارمیٹ کے متعارف ہونے کے بعد سے اب تک کوئی کھلاڑی مسلسل 2 مرتبہ یہ اعزاز حاصل نہیں کرسکا۔
مزید پڑھیں: لیونل میسی نے والد کو الوداع کہہ دیا، ساتھی کھلاڑی بھی تعزیتی اجتماع میں شریک
میسی نے 2025 میں 28 میچز کے دوران 29 گول کرکے پہلی مرتبہ گولڈن بوٹ جیتا تھا اور انٹر میامی کے پہلے کھلاڑی بنے تھے جنہیں یہ اعزاز حاصل ہوا۔ انہوں نے اسی سیزن میں 19 اسسٹ بھی کیے تھے۔
اگرچہ کرس وونڈولووسکی اور بریڈلی رائٹ فلپس سمیت متعدد کھلاڑی مختلف سیزنز میں 2 مرتبہ گولڈن بوٹ جیت چکے ہیں، تاہم کوئی بھی مسلسل 2 سال یہ اعزاز حاصل نہیں کرسکا۔
میسی اس سے قبل 2024 اور 2025 میں مسلسل 2 مرتبہ ایم ایل ایس کے موسٹ ویلیوایبل پلیئر (ایم وی پی) کا اعزاز حاصل کرنے والے پہلے کھلاڑی بھی بن چکے ہیں۔
🚨 39 year old Lionel Messi is the CLEAR FAVOURITE to win both the MLS Golden Boot and MLS MVP this season. 🐐 pic.twitter.com/3tDoEaw1ZY
— MessiXtra (@MessiXtraHQ) November 2, 2026
گولڈن بوٹ کا فیصلہ صرف ریگولر سیزن میں کیے گئے گولز کی بنیاد پر ہوتا ہے، پلے آف مرحلے کے گولز اس میں شمار نہیں کیے جاتے، انٹر میامی کو ریگولر سیزن کا اپنا آخری میچ 7 نومبر کو شارلٹ ایف سی کے خلاف کھیلنا ہے، جہاں میسی کے پاس اپنے گولز کی تعداد میں مزید اضافہ کرنے کا موقع ہوگا۔
26 گولز اور 4 گولز کی برتری کے ساتھ میسی اس وقت گولڈن بوٹ کے حصول کے لیے مضبوط پوزیشن میں ہیں، 39 برس کی عمر میں بھی ان کی کارکردگی اس بات کا ثبوت ہے کہ فٹبال کی دنیا میں ان کا جادو تاحال برقرار ہے۔
