وزیر اعظم شہباز شریف کے معاون خصوصی حذیفہ رحمان ںے دعویٰ کیا ہے کہ اگر آج نیوٹن زندہ ہوتا تو ن لیگ میں ہوتا۔
نجی ٹی وی کے ایک پروگرام میں گفتگو کرتے ہوئے حذیفہ رحمان نے کہا کہ اگر نیوٹن آج موجود ہوتے مسلم لیگ ن کے ساتھ ہوتے تحریک انصاف کے ساتھ کھڑے نہ ہوتے۔
"اگر آج نیوٹن زندہ ہوتا تو ن لیگ میں ہوتا"
حذیفہ رحمان کی بات سن کر منصور علی خان سیٹ سے کھڑے ہو گئے!#HumNews #Pakistan #LatestNews #BreakingNews pic.twitter.com/VqC2wB4Phe— HUM News (@humnewspakistan) November 3, 2026
واضح رہے کہ حذیفہ رحمان نے ایک روز قبل بھی وزیراعظم شہباز شریف کی ذہنی صلاحیتوں سے متعلق غیر معمولی دعویٰ کرتے ہوئے کہا تھا کہ وزیراعظم کا آئی کیو (IQ) نیوٹن کے قریب ہے اور ان کی ذہنی صلاحیتیں غیر معمولی ہیں۔
حذیفہ رحمان نے اپنی بات کی وضاحت کرتے ہوئے کہا کہ تاریخی اندازوں کے مطابق آئزک نیوٹن کا آئی کیو 168 تصور کیا جاتا ہے جبکہ وزیراعظم کی تیزی سے فیصلے کرنے اور حالات کو سمجھنے کی صلاحیت کو دیکھتے ہوئے ان کا آئی کیو تقریباً 158 سے 160 کے درمیان ہوسکتا ہے۔
حذیفہ رحمان کے ان بیانات نے سیاسی و سماجی حلقوں میں ایک نئی اور دلچسپ بحث چھیڑ دی ہے۔
