پاکستان کرکٹ بورڈ (پی سی بی) کے معاملات چلانے کے لیے وفاقی حکومت نے نئی مینجمنٹ کمیٹی تشکیل دے دی ہے۔
وفاقی کابینہ کی جانب سے سرکولیشن سمری کے ذریعے پاکستان کرکٹ بورڈ کی مینجمنٹ کمیٹی بنانے کی منظوری دی گئی ہے۔
مزید پڑھیں
نئی کمیٹی میں ذکا اشرف کو پاکستان کرکٹ بورڈ مینجمنٹ کا چیئرمین بنایا گیا ہے۔
حکومت کی جانب سے چیف الیکشن کمشنر احمد شہزاد فاروق رانا کو عہدے سے ہٹا دیا گیا۔ اب ان کی جگہ محمود اقبال خاکوانی نئے چیف الیکشن کمشنر کی ذمہ داریاں نبھائیں گے۔
پی سی بی کی نئی مینجمنٹ کمیٹی 4 ماہ تک کے لیے تشکیل دی گئی ہے۔ مینجمنٹ کمیٹی پاکستان کرکٹ بورڈ کے امور کو دیکھے گی۔
پاکستان کرکٹ بورڈ کی کمیٹی 10 اراکین پر مشتمل ہے جن میں کلیم اللہ، مصدق اسلام، اشفاق اختر، ظہیر عباس، عظمت پرویز، خواجہ ندیم، خرم سومرو، ذوالفقار ملک اور مصطفیٰ رمدے شامل ہیں۔
نئی تشکیل دی گئی مینجمنٹ کمیٹی کا پہلا اجلاس جمعرات کو لاہور میں بلا لیا گیا ہے۔
واضح رہے کہ ذکا اشرف سے قبل نجم سیٹھی پاکستان کرکٹ بورڈ کے معاملات کو چلا رہے تھے مگر پیپلزپارٹی کی جانب سے چیئرمین کے لیے ذکا اشرف کا نام تجویز کیا گیا تھا۔
یہ بھی یاد رہے کہ ذکا اشرف کی اہلیت اور پاکستان بورڈ کے چیئرمین کے انتخابات کا معاملہ عدالتوں میں زیر التوا ہے۔
