پاک فوج کے شعبہ تعلقات عامہ آئی ایس پی آر کے مطابق گزشتہ رات سیکیورٹی فورسز نے لکی مروت کے علاقے میں خفیہ اطلاع پر آپریشن کیا جس میں سیکیورٹی فورسز کے ساتھ فائرنگ کے تبادلہ میں کالعدم تنظیم ٹی ٹی پی کے 12 دہشتگرد مارے گئے ۔
آئی ایس پی آر کے مطابق ایک ہفتے تک علاقے میں دہشتگردوں کی نقل و حرکت کی مانیٹرنگ کی گئی، دہشتگردی گزشتہ روز ایک گاڑی میں سوار ہوکر فرار ہونے کی کوشش کررہے تھے جسے ناکام بنا دیا گیا ۔
دہشت گردوں سے اسلحہ، گولہ بارود اور افغان کرنسی برآمد ہوئی ، سکیورٹی فورسز علاقے میں کلیئرنس آپریشن جاری رکھے ہوئے ہیں، مقامی عمائدین نے سکیورٹی فورسز کی کامیاب کارروائی اور دہشتگردی کے مکمل خاتمے کیلئے کردار کو سراہا ۔