بھارتی اداکارہ اور سوشل میڈیا انفلوئینسرعرفی جاوید نے اپنے مداحوں کو ’آئی فلر‘ نہ کرانے کا مشورہ دے دیا، انہوں نے کہاکہ میری آنکھوں کے گرد کالے دھبے تھے انکو چھپانے کے لیے آئی فلر کرایا لیکن یہ اس قدر تکلیف دہ ہے کہ اپنے مداحوں کو کبھی نہ کرانے کا مشورہ دوں گی۔
منفرد، عجیب و غریب اور عریاں لباس پہننے پر مشہور بھارتی اداکارہ عرفی جاوید نے اپنے انسٹاگرام پر اسٹوری لگائی اور اپنی سوجھی ہوئی آنکھوں کی تصویر شیئر کرتے ہوئے لکھاکہ میں نے آئی فلر کروایا ہے لیکن یہ بہت تکلیف دہ ہے، مجھے یقین ہے کہ جلد اسکا اثر زائل ہو جائے گا۔
انہوں نے لکھاکہ میری آنکھوں کے گرد دھبے تھے لوگ مجھے تنقید کا نشانہ بناتے تھے میں نے اس لیے آئی فلر کرایا ہے لیکن اپنے چاہنے والوں سے کہوں گی کہ وہ یہ کام نہ کریں کیوں کہ یہ بہت تکلیف دہ عمل ہے۔
دوسری جانب عرفی جاوید گزشتہ روز بھی سوشل میڈیا پر زیر بحث دکھائی دیں، کیونکہ ممبئی سے گوا جاتے ہوئے فضائی سفر کے دوران انہیں بدتمیزی اور جنسی ہراسانی کا سامنا کرنا پڑا جس کو انہوں نے اپنی انسٹاگرام اسٹوری پر اپڈیٹ بھی کیا۔
انہوں نے ایک ویڈیو اپنے انسٹاگرام اسٹوری پر لگائی اور لکھاکہ ایک شخص نے دوران سفر انکے ساتھ بدتمیزی کی، پوچھنے پر اسکے دوستوں نے بتایاکہ وہ نشے میں ہے۔
انہوں نے لکھاکہ نشہ میں ہونا ایک الگ بات ہے۔ اگر آپ نشے میں تو کیا آپ کو خواتین سے بدتمیزی کا حق مل جاتا ہے؟ ہم عوامی شخصیات ضرور ہیں لیکن عوام کی ملکیت تو نہیں ہیں۔
