پنجاب میں ’اب گاؤں چمکیں گے‘؟

منگل 15 اگست 2023
icon-facebook icon-twitter icon-whatsapp

نگراں حکومت پنجاب نے ’اب گاؤں چمکیں گے‘ نام سے ایک پروگرام شروع کیا ہے جس کے تحت پنجاب کی تاریخ میں پہلی بار دیہات کو بھی شہروں کی طرز پر صفائی کا عملہ اورسہولیات مہیا کی جائیں گی۔

دیہات میں شہروں کی طرح کمپیوٹرائزڈ برتھ، ڈیتھ، میریج سرٹیفیکٹس اور طلاق رجسٹریشن کی سہولتیں بھی میسر ہوں گی۔ دیہات کی صفائی کے لیے یونین کونسل کی سطح پر جدید مشینری مہیا کی جائے گی۔

15 روز میں تمام گاؤں میں چوکیدار اور صفائی کا عملہ مہیا کر دیا جائے گا۔ ہر یونین کونسل کو سینیٹری ورکرز مہیا کیے جائیں گے، گاؤں کی کمیٹیاں پروگرام پر عملدرآمد یقینی بنائیں گی۔

پنجاب کے دیہی علاقوں میں پینے کے صاف پانی کا انتظام بھی اسی پروگرام کے تحت کیا جائے گا لوگوں کو بنیادی سہولیات ان کی دہلیز پر دی جائیں گیں۔

یوم آزادی پر پنجاب کے دیہات کے لوگوں کے لیے بڑے تحفے کا اعلان کرتے ہوئے نگراں وزیر اعلی پنجاب محسن نقوی نے شرقپور کے گاؤں قلعہ شریف سے ’اب گاؤں چمکیں گے‘ پروگرام کا باقاعدہ آغاز کر دیا ہے۔

مقامی افراد پر مشتمل ویلیج کمیٹیاں بنائی جائیں گی

اس پروگرام کے تحت پنجاب کی 2 ہزار 468 یونین کونسلز کو صفائی کی سہولیات مہیا کی جائیں گی۔

نگراں وزیر اعلی پنجاب محسن نقوی کے مطابق یہ پروجیکٹ کافی عرصے سے رکا ہوا تھا اور اب دوبارہ شروع کیا گیا ہے، اس سے گاؤں کے لوگوں کی زندگیاں بہتر ہوں گی، دیہات کا سب سے بڑا صفائی اور سینیٹیشن کا مسئلہ اس پروگرام سے حل گا۔

محسن نقوی نے کہا کہ وطن سے محبت کا تقاضا ہے کہ ہم اسے صاف ستھرا رکھیں، اس پروگرام سے گندگی سے پھیلنے والی بیماریوں کا تدارک ہوگا- کوڑا تلف کرنے کے لیے مقامی افراد کی مشاورت سے مقامات کا تعین کیا جائے گا۔

’پروگرام کے تحت گلیوں اور نالیوں کی باقاعدگی سے صفائی یقینی بنائی جائے گی۔ پروگرام کامیاب بنانے کے لیے مقامی افراد پر مشتمل ویلیج کمیٹیاں بنائی جائیں گی۔ کمیٹی تشکیل دینے کا اختیار متعلقہ اسٹنسٹنٹ کمشنر کے پاس ہوگا۔‘

 پروگرام پر 8 ارب لاگت آئے گی

’اب گاؤں چمکیں گے‘ کے نام سے شروع ہونے والے پروگرام میں پنجاب حکومت کے تخمینے کے مطابق تقریبا 8 ارب روپے لاگت آئے گی۔

پروگرام کے تحت دیہات میں حفظان صحت کے اصولوں پر عملدرآمد اور عوام کو بہتر معیار زندگی دینے کے لیے صفائی ستھرائی کے کام کو آؤٹ سورس کیا جائے گا اور پنجاب چوکیداری سسٹم بھی بحال کیا جائے گا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

بیک وقت حکومت کے مزے لینا اور اپوزیشن کرنا کھلا تضاد ہے، عطا اللہ تارڑ کا بلاول بھٹو کی پریس کانفرنس پر ردعمل

وزیراعلیٰ پنجاب مریم نواز شریف سے اسپیکر پنجاب اسمبلی ملک محمد احمد خان کی ملاقات، ترقیاتی پروجیکٹس پر گفتگو

کراچی میں ٹریفک اہلکار کا فلمی تعاقب: ٹرک ڈرائیور کی ٹکریں، پولیس کار فٹ پاتھ پر، ملزم اور ’ہیرو‘ دونوں پھنس گئے

فیلڈ مارشل سید عاصم منیر سے برطانوی چیف آف جنرل اسٹاف کی ملاقات، دفاعی تعاون مزید مضبوط بنانے کے عزم کا اعادہ  

پاکستانی روپے کی قدر میں اضافہ جاری، ڈالر کتنے کا ہوگیا؟

ویڈیو

غیر آئینی اقدام کا ڈٹ کر مقابلہ کریں گے، اگر زبردستی سندھ کی تقسیم کی کوشش کی گئی تو کراچی کی سڑکوں پر خون بہے گا، بلاول بھٹو

محسن نقوی اور چوہدری سالک کے درمیان کہیں رابطہ ہوا ہے، مریم نواز پنجاب کسی کو نہیں دیں گی، عامر الیاس رانا

اسلام آباد میں اب نوٹ نہیں ڈیجیٹل کوڈ چلے گا

کالم / تجزیہ

عمران خان کا خط

بھارتی ٹیم جیت گئی، بھارتی سوچ ہار گئی

ڈیل ہو جائے گی؟