سکھر پولیس نے صحافی جان محمد مہر کے قتل میں نامزد 2 ملزمان کو گرفتار کر لیا ہے۔
پولیس کے مطبق گرفتار ملزمان میں بخش علی اور بابر مہر شامل ہیں۔ جن کو عدالت میں پیش کر کے جسمانی ریمانڈ کی استدعا کی جائے گی۔
مزید پڑھیں
واضح رہے کہ 14 اگست کو صحافی جان محمد مہر کو دفتر سے گھر جاتے ہوئے فائرنگ کر کے قتل کر دیا گیا تھا۔ جس کی ایف آئی آر 15 اگست کو سکھر کے تھانہ سی سیکشن میں درج کی گئی تھی۔
ملزمان کے خلاف انسداد دہشتگردی کی دفعات کے تحت مقدمہ درج کیا گیا تھا۔
صحافی جان محمد مہر کے قتل کی ایف آئی آر میں 6 افراد کو نامزد کیا گیا ہے، جبکہ 3 نامعلوم افراد پر بھی مقدمہ قائم کیا گیا ہے۔ اس کے علاوہ ایف آئی آر میں 7 سہولت کاروں کو بھی شامل کیا گیا ہے۔
صحافی جان محمد مہر کے قتل کی ایف آئی آر ان کے بڑے بھائی کرم اللہ مہر کی مدعیت میں درج کی گئی۔
مقدمے کے مطابق صحافی کی جانب سے لوگوں کے حقوق کے لیے آواز اٹھائی جاتی تھی جس سے بااثر لوگ خائف تھے اور دھمکیاں دی جارہی تھیں۔
