وفاقی کابینہ کے اجلاس میں صارفین کو بجلی کے بھاری بھرکم بلوں میں کوئی ریلیف دینے کا فیصلہ نہ ہو سکا۔
نگراں وزیر اعظم انوارالحق کاکڑ کی زیر صدارت وفاقی کابینہ کا اجلاس ختم ہو گیا لیکن کابینہ بجلی بلوں میں صارفین کو ریلیف دینے کا کوئی فیصلہ نہ کر سکی۔
وفاقی کابینہ کے ذرائع کے مطابق بریفنگ میں بتایا گیا کہ آئی ایم ایف معاہدہ بجلی صارفین کو ریلیف فراہمی میں بڑی رکاوٹ ہے اور بجلی بلوں پر ریلیف کے لیے آئی ایم ایف سے بات کرنی ہوگی۔
اجلاس میں یہ بات سامنے آئی کہ آئی ایم ایف شرائط کے باعث صارفین کو بلوں پر ریلیف دینا ممکن نہیں ہے، تاہم ذرائع کا کہنا ہے کہ وزارت توانائی کو صارفین کو ریلیف فراہمی کے لیے طریقہ کار وضع کرنے کی ہدایت کی گئی ہے۔
