قومی کرکٹ ٹیم کے سابق کپتان جاوید میاں داد کی طبیعت سنبھل گئی۔
سوشل میڈیا ویب سائٹ ٹوئٹر پر اپنے پیغام میں قومی کرکٹ ٹیم کے سابق کپتان جاوید میاں داد نے لکھا کہ خون کے کم دباؤ کی شکایت کے باعث چیک اپ کے لیے اسپتال آیا تھا، دعائوں میں یاد رکھنے کا شکریہ، اللہ کا شکر ہے اب میں ٹھیک ہوں۔
اس سے قبل جاوید میاں داد کے خاندانی ذرائع نے میڈیا کو بتایا تھا کہ جاوید میاں داد کو طبیعت خرابی کے باعث اسپتال منتقل کیا گیا ہے اور وہ کراچی کے مقامی اسپتال میں زیر علاج ہیں۔
خاندانی ذرائع نے بتایا کہ جاوید میانداد اچانک چکرآنے پر گر گئے تھے۔
بعد ازاں جاوید میاں داد نے ویڈیو پیغام میں بھی مداحوں کا شکریہ ادا کیا ہے۔
Thank you for the prayers. Please continue to remember me and my family in prayer. pic.twitter.com/F3PTOj4AcD
— Javed Miandad (@Javed__Miandad) February 17, 2023
