خادم حرمین شریفین شاہ سلمان بن عبدالعزیز آل سعود کی جانب سے مکہ مکرمہ ریجن کے نائب گورنر شہزادہ بدر بن سلطان بن عبدالعزیز کل شام کی نماز کے بعد 43 ویں کنگ عبدالعزیز بین الاقوامی مقابلہ برائے حفظ، تلاوت اور قرآن پاک کی تفسیر کے فاتحین کو اعزازات سے نوازیں گے۔
اسلامی امور، دعوت و رہنمائی کے وزیر اور مقابلے کے جنرل سپروائزر ڈاکٹرعبداللطیف آل الشیخ نے حرمین شریفین کے متولی اور ولی عہد شہزادہ کی جانب سے اس مقابلے کی مسلسل حمایت و تعاون کو سراہتے ہوئے کہا ہے کہ قرآن پاک کی تعلیمات کی ترویج کے لیے یہ کاوش مملکت کی سعی کا مظہر ہے۔
ڈاکٹر عبداللطیف کے مطابق یہ مقابلہ دنیا بھر کے مسلمان نوجوانوں کو نہ صرف قرآن حفظ کرنے کی ترغیب بلکہ قرآن و سنت کی تعلیمات پر عمل پیرا ہونے والی نسل کی پرورش میں بھی اہم کردار ادا کرتا ہے۔ انہوں نے بتایا کہ 1399 ہجری سال میں ان مقابلوں کے آغاز کے بعد اب تک رواں برس سب سے زیادہ ممالک نے شرکت کی ہے۔
43 ویں کنگ عبدالعزیز بین الاقوامی مقابلہ برائے حفظ، تلاوت اور قرآن پاک کی تفسیر کے منعقدہ اس ایونٹ میں 117 ممالک سے 166 شرکاء نے حصہ لیا۔ ان مقابلوں کی مجموعی انعامی رقم 40 لاکھ ریال ہے۔ ابتدائی اور آخری مقابلہ کے کوالیفائر میں ای ججنگ کا استعمال کیا گیا تھا۔
