’شوق کی کوئی قیمت نہیں‘ اس محاورے کو آسٹریلیا کے شہری نے سچ کر دکھایا، مئی 2022 میں آسٹریلیا سے سائیکل پر سفر شروع کرنے والا سائیکلسٹ پاکستان پہنچ گیا۔
آسٹریلیا سے سائیکل پر سفر شروع کرنے والا ڈیوڈ مک کورٹ واہگہ بارڈر کے راستے پاکستان پہنچا ہے، ڈیوڈ اب تک انڈونیشیا، ملائیشیا، تھائی لینڈ، بنگلہ دیش، نیپال اور انڈیا تک سائیکل پر گھوم چکا ہے۔
ڈیوڈ نے اب تک 1800 کلومیٹر کا سفر سائیکل پر طے کیا ہے، وہ پاکستان میں تقریباً ایک ماہ تک قیام کریں گے۔ اس دوران ڈیوڈ اسلام آباد سمیت مختلف علاقوں میں جائیں گے۔
آسٹریلین سائیکلٹ پاکستان کے بعد چائنا، تاجکستان، کرغزستان، یورپ سے ہوتے ہوئے آئرلینڈ تک جائیں گے۔ ڈیوڈ کے ہمراہ انڈونیشیا سے سائیکل پر سفر کرنے والا سائیکلسٹ بھی موجود ہے۔
