بنگلہ دیش اور نیوزی لینڈ کے درمیان دوسرے ایک روزہ میچ کے دوران بنگلہ دیش کرکٹ ٹیم نے اسپورٹس مین اسپرٹ کا شاندار مظاہرہ کیا ہے۔ دوسرے ایک روزہ میچ میں فاسٹ بولر حسن محمود نے ایش سوڈھی کو ’مینکڈ‘ کیا، تھرڈ امپائر نے ایش سوڈھی کو رن آؤٹ قرار دے دیا۔ بنگلہ دیشی کپتان لٹن داس نے پویلین جاتے جاتے ایش سوڈھی کو واپس بلا لیا۔ ایش سوڈھی نے حسن محمود کو گلے لگالیا، بنگلہ دیش اور نیوزی لینڈ کےدرمیان دوسرا ایک روزہ میچ جاری ہے۔
بنگال ٹائیگرز کی ’اسپورٹس مین شپ‘ کی سوشل میڈیا پر دھوم مچ گئی اور مائیکرو بلاگنگ ویب سائٹ سابقہ ٹوئٹر اور موجودہ ’ایکس‘ پر ٹاپ ٹرینڈ بن گئی۔
اسپورٹس صحافی فرید خان نے ایکس پر بنگال ٹائیگرز کے اس عمل کی تعریف کرتے ہوئے ایکس پر اپنی پوسٹ میں لکھا کہ یہ اسپورٹس مین شپ کے حقیقی مناظر ہیں۔
WOW! SOME DRAMA IN DHAKA 👀
Hasan Mehmud ran Ish Sodhi out via Mankad but Bangladesh captain Litton Das asked Sodhi to come back and carry on batting. Absolute scenes. This is sportsmanship 🇧🇩🇳🇿♥️♥️ #BANvNZ pic.twitter.com/L2RN3wdMhf
— Farid Khan (@_FaridKhan) September 23, 2023
اس موقع پر کچھ صارفین نے بھارتی سپن بولر روی ایشوین اور افغانی فاسٹ بولر فضل حق فاروقی کو یاد کر لیا۔ حسن نامی ایکس صارف نے اپنی پوسٹ میں کہا کہ ہر کوئی ایشوین اور فاروقی جیسا نہیں ہوتا۔
Everyone is not like Ashwin or Farooqi❤️#BANvNZ pic.twitter.com/5SPKXZnBC7
— Hassan (@HassanAbbasian) September 23, 2023
سلمان حسن نے بنگلہ دیشی کپتان لٹن ساس کی تعریف کرتے ہوئے لکھا کہ لٹن داس کا یہ اقدام قابل تعریف و ستائش ہے۔ انہوں نے اپنی پوسٹ میں میچ کے دوران پیش آنے والے مناظر کی ویڈیو بھی شیئر کی۔
Beautiful & commendable stuff from Liton Das
Hassan Mahmud mankaded Ish Sodhi & he gestured "Well done" 2 him (in anger) with a tap on his bat, Bangladesh's Skipper went 2 the umpire & asked him to bring back Sodhi. He came back & Hugged Hassan. So lovely#NZvBAN #BANvNZ #BANvsNZ pic.twitter.com/BJhAZjsG9I— Salman Hassan (@iSalmanHassan) September 23, 2023
نیوزی لینڈ کرکٹ بورڈ نے بھی اس اقدام کو سراہتے ہوئے ان مناظر کی تصاویر اپنے آفیشل ’ایکس‘ اکاؤنٹ پر شیئر کرتے ہوئے ساتھ ’دل والا ایموجی‘ بنا دیا۔
❤️#BANvNZ #CricketNation pic.twitter.com/0G46AE5wNc
— BLACKCAPS (@BLACKCAPS) September 23, 2023
ایک بنگلہ دیشی ’ایکس‘ صارف نے اپنی پوسٹ میں لکھا کہ کیا آپ کو اپنے آنکھوں دیکھے پر یقین آرہا ہے؟ بنگلہ دیش نے بہترین اسپورٹس مین شپ کا مظاہرہ کیا ہے۔
Can you believe it? Bangladesh captain Litton Das has called back Ish Sodhi. Sodhi hugs Hasan with happiness and respects the decision. 😂
SPORTSMANSHIP SHOWN. ❤️ #BANvNZ pic.twitter.com/XG3aZ33mWe
— Saif Ahmed 🇧🇩 (@saifahmed75) September 23, 2023
ایک اور بنگلہ دیشی ایکس صارف نے ایش سوڈھی کے حسن محمود کو گلے لگانے کے مناظر کی تصاویر شیئر کرتے ہوئے اپنی پوسٹ میں لکھا کہ یہ دنیائے کرکٹ میں آج کے دن کی سب سے بہترین تصویر ہے۔
Ish Sodhi’s reaction after Hasan & Litton called him back. The most beautiful picture in the cricket world today. 🖤#BANvNZ pic.twitter.com/osKVNWefOB
— Saif Ahmed 🇧🇩 (@saifahmed75) September 23, 2023
یاد رہے کہ نیوزی لینڈ کرکٹ ٹیم ان دنوں بنگلہ دیش کے دورے پر ہے اور دونوں ٹیموں کے درمیان 3 ایک روزہ میچوں کی سیریز کا دوسرا میچ اس وقت میرپور میں جاری ہے۔ دونوں ٹیموں کے مابین کھیلا جانے والا سیریز کا پہلا میچ بارش کی نذر ہو گیا تھا۔
