پاکستان میں پولیو وائرس کے خطرات منڈلانے لگے۔
ترجمان وزارت صحت کے مطابق سندھ کے صدر مقام کراچی اور خیبر پختونخوا کے علاقے ہنگو کے ماحولیاتی نمونوں میں پولیو وائرس پایا گیا ہے۔
وزارت صحت کا کہنا ہے کہ 2 اکتوبر سے ملک بھر میں قومی انسداد پولیو مہم کا آغاز ہو رہا ہے۔
مہم کے دوران 4 کروڑ سے زائد بچوں کو پولیو ویکسین دی جائے گی۔
واضح رہے کہ سال 2023 میں پاکستان میں پولیو کے صرف 2 کیس سامنے آئے ہیں۔
خیبر پختونخوا کے ضلع بنوں میں 2 بچوں میں پولیو وائرس پایا گیا۔
اس سے قبل 2022 میں پاکستان میں پولیو کے 20 کیسز تھے۔
شمالی وزیرستان میں پولیو کے 17 کیسز، جنوبی وزیرستان میں 1 اور لکی مروت میں پولیو کے 2 کیسز تھے۔
