ماہرہ خان کی شادی ایک کاروباری شخصیت سلیم کریم کے ساتھ ہوئی۔ شادی کی تقریب میں دونوں خاندانوں کے چند انتہائی قریبی لوگوں نے شرکت کی۔
اداکارہ ماہرہ خان کی منیجر انوشے طلحہ خان کی جانب سے سوشل میڈیا پر جاری کی گئی تصاویر اور ویڈیوز میں دیکھا جا سکتا ہے کہ دلہن سفید جوڑے میں ملبوس ہے، جبکہ دولہا نے سیاہ شیروانی اور پاجامہ پہن رکھا ہے۔
The first look at our lovely newlyweds and best believe these two aren't the only ones all teary eyed 🥹🤍 #MahiraKhan #SalimKarim pic.twitter.com/KfTLRavSr1
— Galaxy Lollywood (@galaxylollywood) October 1, 2023
قبل ازیں ماہرہ خان نے ایک ٹیلی ویژن شو میں سلیم کریم کے ساتھ اپنی دوستی کی تصدیق کی تھیں۔
گزشتہ برس ماہرہ خان نے ثمینہ پیرزادہ کے ساتھ ایک خصوصی انٹرویو میں سلیم کریم سے اپنے تعلق کی تصدیق کی تھی۔
انٹرویو میں جب ثمینہ پیرزادہ نے سوال پوچھا کہ کیا ماہرہ خان کو محبت ہوگئی ہے تو اداکارہ نے مسکراتے ہوئے کہا تھا کہ ہاں شاید مجھے محبت ہوگئی ہے، لیکن میں اتنی آسانی سے اس حوالے سے بات نہیں کرسکتی کیوں کہ میں بہت شرمیلی ہوں۔
ثمینہ پیرزادہ نے اس دوران ماہرہ خان کو مبارکباد بھی دی اور سوال کیا کہ کیا وہ اس شخص کو جانتی ہیں؟ جس پر ماہرہ خان کا کہنا تھا کہ ’ہوسکتا ہے آپ ان کو جانتی ہوں لیکن ان کا تعلق شوبز انڈسٹری سے نہیں ہے‘۔
اس پر جب ثمینہ پیرزادہ نے ماہرہ خان سے سوال کیا کہ کیا وہ نام بتانا چاہیں گی تو اس پر اداکارہ کا کہنا تھا کہ وہ نام نہیں بتانا چاہتی کیوں کہ یہ وہ خیال ہے جس کی حفاظت کو کرنا چاہتی ہیں۔
واضح رہے کہ ماہرہ خان کی یہ دوسری شادی ہے۔ پہلی شادی علی عسکری سے ہوئی جن سے ان کا ایک بیٹا ’ اذلان‘ ہے۔ ان کی پہلی شادی 2007 میں ہوئی، قریباً 8 برس بعد 2015 میں طلاق پر منتج ہوئی۔
