‘میری فلائٹ کل تھی اور میں اب بھی ایئرپورٹ پر انتظار کر رہا ہوں’ : قومی کرکٹ ٹیم کے کھلاڑی ایئرپورٹ پر پھنس گئے

پاکستان کرکٹ ٹیم کے کھلاڑی اور پی ایس ایل میں ملتان سلطان کی جانب سے کھیلنے والے محمد عباس نے سماجی رابطے کی ویب سائٹ ایکس پر پوسٹ کرتے ہوئے لکھا کہ میں کل سے اپنی فلائٹ کا انتظار کر رہا ہوں اور بغیر اے سی کے پسینے میں شرابور یہاں باقی مسافروں کے ساتھ بیٹھا ہوا ہوں.

انہوں نے مزید لکھا کہ ترکش ایئر لائنز کے ساتھ انتہائی برا تجربہ ہے ،میری فلائٹ کل تھی اور میں اب بھی ایئرپورٹ پر انتظار کر رہا ہوں۔ایئر لائن کے عملے نے ہمیں 2 گھنٹے تک ایئر کنڈیشن کے بغیر جہاز میں بٹھایا۔

Very bad experience at Heathrow Airport with @TurkishAirlines. Bad service by the Airline staff. My flight was yesterday and I’m still waiting at Airport.
The airline staff got us to sit in the plane without air condition for 2 hours.
Anyone from @turkishairlines please sort out. pic.twitter.com/aXuZ77XmHI

— Muhammad Abbas (@RealMAbbas226) October 2, 2023

ان کی پوسٹ کے جواب میں صارفین نے ترکش ایئرلائن کو خوب آڑے ہاتھوں لیا اور ان کو اس جلد ازجلد اس مسلے کا حل نکالنے کے لیے کہا۔ صارف نے تبصرہ کرتے ہوئے لکھا کہ مجھے یقین ہی نہیں ہورہا کہ ترکش ایئر لائن ایسا کر سکتی ہے۔

I don’t even believe that a Turkish Airline can do..

— waqas (@icricketfreak) October 2, 2023

نجی ٹی وی جیو نیوز سے بات کرتے ہوئے کرکٹر محمد عباس نے کہا کہ میں نے سنا تھا کہ ترکش ایئر لائن دنیا کی بہترین ائیرلائنز میں سے ایک ہے اور یہی وجہ تھی کہ میں نے فلائٹ بک کروائی.

عملے نے پہلے کہا کہ بارش ہورہی ہے اس کی وجہ سے جہاز لیٹ ہوا ہے اور پھر انہوں نے ہمیں اے سی کے بغیر بٹھایا اور اب ہمیں شدید مشکلات کا سامنا ہے۔ عملے کے مطابق یہ فلائٹ بھی کینسل کردی گئی ہے اور اب ہمیں دو تین دن مزید انتظار کرنا پڑے گا۔