ورلڈ کپ: سابق بھارتی کرکٹر کی بابراعظم کے حوالے سے اہم پیشگوئی

بھارت کے سابق کرکٹر گوتم گھمبیر نے قومی کرکٹ ٹیم کے کپتان بابر اعظم کے حوالے سے اہم پیشگوئی کر دی ہے۔

گوتم گھمبیر نے ’اسٹار اسپورٹس‘ کو انٹرویو دیا ہے جہاں میزبان نے ان سے آئندہ کرکٹ ورلڈ کپ سے جڑے سوال پوچھے۔

گوتم گھمبیر نے پاکستانی ٹیم کے کپتان بابر اعظم کی تعریف کرتے ہوئے کہاکہ مجھے لگتا ہے کہ بابر اپنی ٹیم کے لیے اس ورلڈ کپ میں 3 سے 4 سینچریاں ضرور بنائے گا۔

انہوں نے ورلڈ کپ 2023 کو پاکستانی کپتان بابر اعظم اور بھارتی کپتان روہت شرما دونوں کے لیے شاندار رہنے کی امید بھی ظاہر کی ہے۔

گوتم گھمبیر نے کہاکہ بھارتی کپتان روہت شرما کا ہوم گراؤنڈ پر ریکارڈ بہت ہی شاندار ہے، مجھے لگتا ہے کہ وہ اس بڑے ایونٹ میں کچھ بڑا کرنے کے لیے ضرور بے چین ہوں گے۔

واضح رہے کہ سابق بھارتی کرکٹر گوتم گھمبیر اس سے قبل بھی بابر اعظم کے حوالے سے پیش گوئی کر چکے ہیں۔

گزشتہ دنوں گوتم گھمبیر نے کہا تھا کہ بابر اعظم ایسی خوبیوں کا مالک ہے کہ ورلڈ کپ میں آگ لگا سکتا ہے۔

یاد رہے کہ کرکٹ ورلڈ کپ کا آغاز 5 اکتوبر سے بھارت میں ہونے جا رہا ہے، پاکستان اپنا پہلا میچ 6 اکتوبر کو نیدر لینڈ کے خلاف کھیلے گا۔ جبکہ روایتی حریف پاکستان اور بھارت 14 اکتوبر کو احمد آباد کے نریندرمودی اسٹیڈیم میں مدمقابل ہوں گے۔