قومی کرکٹ ٹیم کے کھلاڑیوں نے فاسٹ بولر شاہین شاہ آفریدی کو ’ایگل‘ قرار دے دیا۔
انٹرنیشنل کرکٹ کونسل کے آفیشل انسٹاگرام اکاؤنٹ پر ایک ویڈیو شیئر کی گئی ہے جس میں دیکھا جا سکتا ہے کہ قومی کھلاڑیوں سے سوال پوچھا گیا کہ آپ شاہین شاہ آفریدی کو کیسے بیان کریں گے؟
جواب میں قومی کرکٹ ٹیم کے آل راؤنڈر شاداب خان نے کہا کہ ’ایگل‘۔
فاسٹ بولر حارث رؤف نے کہا کہ وہ (شاہین شاہ آفریدی) ایک فائٹر ہے جو کبھی ہار نہیں مانتا۔
View this post on Instagram
شاداب خان کی جانب سے ’ایگل‘ قرار دیئے جانے پر شاہین شاہ آفریدی بذات خود شاداب خان سے متفق دکھائی دیے۔ شاہین شاہ آفریدی کا کہنا ہے کہ ’آپ جب ’ایگل‘ کے نام سے بلائیں گے اور آفریدی کے نام سے پکاریں گے تو اس سے مجھے مزید طاقت ملے گی۔‘
واضح رہے کہ شاہین ایک پرندہ ہے جسے انگریزی میں ’ایگل‘ کہتے ہیں جبکہ اردو میں شاہین کو ’عقاب‘ بھی کہا جاتا ہے۔
