استحکام پاکستان پارٹی کی جانب سے تحریک انصاف کا انتخابی نشان بلا واپس لینے سے متعلق کیس کی سماعت کے بعد الیکشن کمیشن نے اپنا فیصلہ محفوظ کرلیا ہے۔
چیف الیکشن کمشنر سکندر سلطان راجہ کی سربراہی میں 5 رکنی کمیشن نے استحکام پاکستان پارٹی کے کی درخواست پر سماعت کی۔ استحکام پاکستان پارٹی کے رہنما عون چوہدری کے وکیل نے پیش ہوکر موقف اپنایا کہ پی ٹی آئی کو بلے کا نشان نہ دیا جائے۔
چیف الیکشن کمشنر نے کہا کہ پی ٹی آئی کو پہلے ہی بلے کا نشان دیا جا چکا ہے، وکیل درخواست گزار بولے؛ وہ پہلے تھا آئندہ عام انتخابات میں نشان نہ دیاجائے۔
الیکشن کمیشن نے واضح کیا کہ کمیشن میں پہلے ہی اس نشان سے متعلق کیس زیر سماعت ہے، جس پر عون چوہدری کے وکیل نے استدعا کی کہ ان کی درخواست کو بھی اس کیس سے منسلک کردیا جائے۔
الیکشن کمیشن نے پی ٹی آئی سے بلے نشان کا واپس لینے کی استحکام پاکستان پارٹی درخواست پر فیصلہ محفوظ کرلیاہے۔
