رہنما مسلم لیگ ن شہباز شریف اور مریم نواز نے سوشل میڈیا پلیٹ فارم ایکس پر نواز شریف کی آمد پر خوشی کا اظہار کرتے ہوئے والہانہ پوسٹس شیئر کیں۔
مریم نواز نے سوشل میڈیا سائٹ ایکس پر پوسٹ کرتے ہوئے والد کی آمد پر خوشی کا اظہار کیا اور پنجابی گانے کا بول لکھا آجا تینوں اکھیاں اڈیک دیاں۔
میری زندگی کا شاید آج سب سے بڑا دن ہے۔ میں اللّہ ربّ العزت کی شکر گزار ہوں۔ جتنے دکھ اور تکالیف نواز شریف نے پچھلے 24 سالوں میں سہے، شاید ہی اس کی کوئی مثال ہو، اور انکے کچھ زخم ایسے ہیں جو کبھی نہیں بھر پائیں گے مگر جتنے عروج بھی نواز شریف نے دیکھے وہ بھی شائد کسی اور کے حصے میں…
— Maryam Nawaz Sharif (@MaryamNSharif) October 21, 2023
انہوں نے لکھا کہ ان کی زندگی کا شاید آج سب سے بڑا دن ہے اور وہ اللّہ ربّ العزت کی بے حد شکر گزار ہیں۔
مریم نواز نے لکھا کہ جتنے دکھ اور تکالیف نواز شریف نے پچھلے 24 سالوں میں سہے ہیں، شاید ہی اس کی کوئی مثال ہو، اور انکے کچھ زخم ایسے ہیں جو کبھی نہیں بھر پائیں گے۔
انہوں نے مزید لکھا کہ جتنے عروج بھی نواز شریف نے دیکھے وہ بھی شاید کسی اور کے حصے میں نا آئے ہوں۔ پاکستان آج نواز شریف کا ایک اور عروج دیکھنے جا رہا ہے۔
خوش آمدید نواز شریف !
نواز شریف، جی آیاں نوں ❤️
— Shehbaz Sharif (@CMShehbaz) October 21, 2023
شہباز شریف نے بھائی کی آمد پر سوشل میڈیا پلیٹ فارم ایکس پر پوسٹ کرتے ہوئے لکھا کہ ’جی آیاں نوں‘۔
