آئی سی سی کرکٹ مینز ورلڈ کپ 2023 کے 22ویں میچ میں پاکستان نے افغانستان کے خلاف ٹاس جیت کر بیٹنگ کرنے کا فیصلہ کیا ہے۔ میچ بھارت کے شہر چنئی کے چدم برم اسٹیڈیم میں کھیلا جا رہا ہے۔
پاکستان کی جانب سے رواں سال 1169 گیندوں کے بعد پاورپلے میں عبداللہ شفیق کی جانب سے چھکا لگایا گیا۔ بعدازاں عبداللہ نے ہی افغان بولر مجیب الرحمان کی گیند پر رواں سال پاورپلے میں دوسرا چھکا لگایا۔
واضح رہے کہ ورلڈکپ میں پاکستان وہ واحد ٹیم تھی جس نے پاور پلے یعنی ابتدائی 10 اوورز کے دوران چھکا نہیں لگایا تھا۔
عبد اللہ شفیق نے چھکا لگایا تو شائقین کرکٹ نے سماجی رابطوں کی ویب سائٹس کا رخ کیا اور میمز کا ایک انبار لگا دیا۔ کسی کا کہنا تھا کہ شکر کے نوافل ادا کرنے چاہئیں تو کسی نے کہا کہ اس خوشی میں کل عام تعطیل کا اعلان کیا جائے۔
ایکس پر ایک میم پیج بروکن نیوز نامی پیج نے پوسٹ کرتے ہوئے لکھا پوری قوم کو مبارکباد، پاکستان نے پاور پلے میں چھکا لگا دیا
پوری قوم کو مبارکباد، پاکستان نے پاور پلے میں چھکا لگا دیا
— Broken News (@NewsParodyPk) October 23, 2023
صارفین کا کہنا تھا کہ پاور پلے میں چھکا نہ لگانے کا پاکستانی ریکارڈ 1169 بالز کے بعد ٹوٹ گیا۔ اسی حوالے سے ایک صارف نے پوسٹ کرتے ہوئے لکھا: پاور پلے میں چھکا لگنے کی اتنی خوشی کبھی نہیں ہوئی۔
https://twitter.com/zakria_rasheed/status/1716384044890673452
صارفین کا کہنا تھا کہ پاکستانی ٹیم کی جانب سے پاور پلے میں چھکا لگانا کسی معجزے سے کم نہیں ہے۔ ایک صارف نے پوسٹ کرتے ہوئے لکھا پاکستانی ٹیم مبارکباد کی مستحق ہے۔ 1170 گیندوں کے بعد پاور پلے میں پہلا چھکا لگا لیا۔ عبداللہ شفیق نے یہ کارنامہ انجام دیا۔
پاکستان کی ٹیم مبارکباد کی مستحق ہے۔ 1170 گیندوں بعد پاور پلے میں پہلا چھکا لگا لیا۔
عبداللہ شفیق نے یہ کارنامہ انجام دیا۔#PAKvsAFG #Pakistan #PakistanCricketTeam
— Fahim Patel (@patelfahim) October 23, 2023
واضح رہے کہ اگر پاکستان آج کا میچ ہار جاتا ہے تو باقی میچز میں ‘مارو یا مر جاؤ’ والی صورتحال ہو گی۔ افغانستان کی ٹیم کو اگر شکست ہو جاتی ہے تو شاید یہ اس کے لیے ورلڈ کپ جیتنے کا سفرختم ہو جائے۔
