آئی سی سی ورلڈکپ میں گزشتہ روز افغانستان سے اِپ سیٹ شکست پر قومی ٹیم کے سابق کپتان وسیم اکرم نے پاکستان کرکٹ بورڈ کو خوب آڑے ہاتھوں لیا ، نجی ٹی وی سے گفتگو کرتے ہوئے ان کا کہنا تھا کہ ہر کوئی پی سی بی کا چئیر مین بننا چاہتا ہے اور بورڈ میں اپنے بندوں کو ملازمتیں دلوانا چاہتا ہے ، ٹیم اور قوم کا کوئی نہیں سوچ رہا۔
میچ کے بعد ایک پروگرام میں گفتگو کرتے ہوئے سابق کپتان کا کہنا تھا کہ میں نے کبھی کسی کو پاکستان میں دوسرے کھیلوں سے وابستہ ہونے کے خواہش کرتے ہوئے نہیں دیکھا، اس کی وجہ یہ ہے کہ پی سی بی آپ کو لائم لائٹ دیتا ہے۔
رمیز راجہ کو اچانک چیئرمین شپ سے ہٹا دیا گیا اور انہیں پی سی بی میں ان کے دفتر سے ذاتی چیزیں لے جانے کی اجازت بھی نہیں دی گئی۔
Wasim Akram lashes out on chairmen of PCB — "Everybody wants to become PCB chairman. I never heard anyone wanting to get associated with other sports in Pakistan. This is because PCB gives you limelight. Ramiz Raja was suddenly removed from chairmanship and was not even permitted… pic.twitter.com/6qFmJoTt7m
— Arfa Feroz Zake (@ArfaSays_) October 23, 2023
کھلاڑیوں کی فٹنس کے حوالے سے ان کا کہنا تھا کہ یہ کھلاڑی پچھلے دو سال سے فٹنس ٹیسٹ سے نہیں گزرے ، کھلاڑی روانہ 8 کلو مٹن کھاتے نظر آتے ہیں، اگر میں ان کھلاڑیوں کے انفرادی نام لینا شروع کروں تو انکے چہرے اُتر جائیں گے۔
Angry Wasim Bhai is box office tv 🍿 🤣😂😅 pic.twitter.com/zzmeEzbuXc
— Ghumman (@emclub77) October 23, 2023
واضح رہے کہ ایک روزہ انٹرنیشنل میچ میں افغانستان کی ٹیم نے پہلی بار پاکستانی ٹیم کو ہرایا ہے، میگا ایونٹ میں افغان ٹیم کا یہ دوسرا بڑا اپ سیٹ ہے، اس سے قبل انگلش ٹیم کو شکست سے دوچار کیا تھا۔