نگراں وزیر اعلیٰ پنجاب محسن نقوی کی جانب سے اسموگ کے بڑھتے اثرات کے پیش نظر لاہور اور نواحی علاقوں میں اسمارٹ لاک ڈاؤن کا اعلان کیا گیا ہے۔
محسن نقوی نے لاہور میں میڈیا سے گفتگو میں کہا کہ ’اسموگ کے حوالے سے اگلے 3، 4دن اہم ہیں، کل یوم اقبال پر اتنی سختی نہیں کریں گے، لیکن جمعہ، ہفتہ اور اتوار (10،11 اور 12 نومبر ) کو لاہور میں لوگوں کو گھروں سے باہر نکلنے کی اجازت نہیں ہو گی۔
انہوں نے کہا کہ 10،11 اور 12 نومبر کو لاہور میں اسموگ کے پیش نظر دفعہ 144 نافذ ہو گی۔
نگراں وزیراعلی نے لاہور کے شہریوں سے بھی اپیل کی ہے کہ وہ 3دن تک گھروں میں رہیں۔ اگر کہیں جانا بھی ہے تو کل جا کر واپس آ جائیں۔
انہوں نے کہا کہ جتنی سڑکوں پر ٹریفک کم ہو گی اتنا ہی ماحول بہتر ہو گا۔
خانقاہ ڈوگراں اور صفدرآباد میں اسمارٹ لاک ڈاؤن
دوسری جانب کمشنر دوسری جانب لاہور کے نواحی علاقے خانقاہ ڈوگراں اور صفدرآباد کو بھی اسموگ زدہ قرار دیا گیا ہے، کمشنر صفدر آباد ایوشہ ظفر نے اپنے ایک بیان میں کہا کہ وزیر اعلی پنجاب محسن نقوی کی جانب سے سموگ کے بڑھتے اثرات کے پیش نظر اسمارٹ لاک ڈاؤن کا فیصلہ کیا گیا ہے۔
ایوشہ ظفر کے مطابق خانقاہ ڈوگراں اور صفدر آباد میں بھی اسمارٹ لاک ڈاؤن کا فیصلہ کیا گیا ہے۔
