پاکستان کرکٹ بورڈ اور حکومت پنجاب کے درمیان پی ایس ایل اخراجات کے حوالے سے پیدا ہونے والا معاملہ سلجھ گیا ہے۔
اس حوالے سے پاکستان کرکٹ بورڈ کی مینجمنٹ کمیٹی کے چیئرمین نجم سیٹھی نے ایک ٹوئٹ بھی کیا ہے جس میں انہوں نے لکھا ہے کہ ’ وزیراعلیٰ پنجاب محسن نقوی صاحب نے لاہور میں پی ایس ایل میچز کے دوران لائٹنگ روٹس کی لاگت شیئر کرنے پر رضامندی ظاہر کی ہے ۔ ایچ بی ایل پی ایس ایل 8 کے لاہور اور پنڈی میں میچز شیڈول کے مطابق جاری رہیں گے‘۔
Good news: CM Punjab Mohsin Naqvi Saheb has been kind enough to agree to share cost of lighting routes during PSL matches in Lahore. HBl PSL8 matches in Lahore and Pindi shall continue as scheduled.
— Najam Sethi (@najamsethi) February 26, 2023
واضح رہے کہ پاکستان کرکٹ بورڈ اور پنجاب حکومت کے درمیان اخراجات کے معاملے پر اختلافات سامنے آئے تھے، پی سی بی نے پنجاب حکومت کو اخراجات کی ادائیگی سے صاف انکار کر دیا تھا جبکہ پنجاب حکومت نے بھی اخراجات کی ادائیگی سے معذرت کرلی تھی۔
معاملہ الجھنے پر چیئرمین پی سی بی مینجمنٹ کمیٹی نجم سیٹھی نے پی سی بی کے پیٹرن ان چیف وزیراعظم شہباز شریف سے ٹیلی فونک رابطہ کیا جس پر وزیراعظم نے انہیں ہر ممکن تعاون کی یقین دہائی کرائی تھی۔
