دنیا کی آبادی کتنی ہوچکی، شرح پیدائش میں کون سے ممالک آگے ہیں؟

گو دینا میں آبادی میں اضافے کے رجحان میں خاصے عرصے سے کمی دیکھی جا رہی ہے لیکن پھر بھی کرہ ارض پر اب انسانوں کی تعداد 8 ارب سے تجاوز کرچکی ہے۔

اس حوالے سے امریکا کے ادارہ برائے مردم شماری کی ایک رپورٹ کے مطابق دنیا کی آبادی 8 ارب سے تجاوز کر چکی ہے تاہم لوگوں کی عمر میں اضافہ ہوا ہے جبکہ بچوں کی پیدائش میں کمی آئی ہے۔ رپورٹ میں یہ بھی بتایا گیا کہ دنیا میں آبادی میں اضافے کے رجحان کی رفتار طویل عرصے سے مسلسل کم ہے۔

امریکی مردم شماری بیورو کا اندازہ ہے کہ عالمی آبادی ستمبر 2023 کو مخصوص حد سے تجاوز کر چکی تھی۔ ادارے نے بیان میں نشاندہی کی کہ اقوام متحدہ کا اندازہ ہے کہ آبادی کی تعداد 10 ماہ قبل ہی مخصوص حد سے آگے نکل چکی تھی۔

22 نومبر 2022 کو 8 ارب کا دن قرار دیا گیا تھا۔ اس فرق کی وجہ یہ ہے کہ مختلف ممالک لوگوں کو مختلف طریقے سے گنتے ہیں یا بالکل نہیں گنتے جبکہ بہت سے لوگوں کے پاس پیدائش اور اموات کو ریکارڈ کرنے کا نظام نہیں ہے۔

آبادی میں کتنے برسوں سے خاطر خواہ اضافہ نہیں ہوا؟

دریں اثنا شرح پیدائش یا بچے پیدا کرنے کی عمر کی خواتین کے ہاں کم بچے پیدا ہو رہے ہیں۔ یہ شرح پیدائش اس سطح سے کم ہے جو موجودہ آبادی کی جگہ لینے کے لیے ضروری ہے۔ ایسا دنیا بھر میں ہو رہا ہے۔ یہی وجہ ہے کہ 50 سال سے زیادہ عرصے سے مجموعی آبادی میں اُتنا اضافہ نہیں ہو رہا جتنا ہو رہا تھا۔

ماہرین آبادی کا کہنا ہے کہ دنیا کی آبادی میں استحکام کے لیے باپ اور ماں دونوں کی جگہ لینے کے لیے ایک جوڑے کے ہاں2.1 بچے پیدا ہونا ضروری ہے لیکن تقریباً 3 چوتھائی لوگ اس وقت ان ممالک میں رہ رہے ہیں جہاں شرح پیدائش اس سطح کے قریب یا اس سے کم ہے۔

کن ممالک کی شرح پیدائش ضروری سطح سے زیادہ ہے؟

وہ ملک جہاں شرح پیدائش موجودہ آبادی کی جگہ لینے کے لیے ضروری سطح کے قریب ہے ان میں تیونس اور ارجنٹائن شامل ہیں۔

تقریباً 15 فیصد لوگ ایسے مقامات پر رہتے ہیں جہاں شرح پیدائش دنیا کی موجودہ آبادی کی جگہ لینے کے لیے درکار سطح سے نیچے ہے۔ کم شرح پیدائش والے ممالک میں برازیل، میکسیکو، امریکا اور سویڈن شامل ہیں۔

بہت کم شرح پیدائش والے ممالک میں چین، جنوبی کوریا اور سپین شامل ہیں۔ اسرائیل، ایتھوپیا اور پاپوا نیو گنی ان ممالک میں شامل ہیں جہاں شرح پیدائش موجودہ آبادی کی جگہ لینے کے لیے ضروری سطح یعنی 5 سے زیادہ ہے۔

ایسے ممالک میں دنیا کی آبادی کا تقریباً ایک چوتھائی حصہ رہتا ہے۔ دنیا کی صرف 4 فیصد آبادی ایسے ممالک میں رہتی ہے جہاں شرح پیدائش 5 سے زیادہ ہے۔ یہ سب لوگ افریقہ میں رہتے ہیں۔ ادارہ مردم شماری کے مطابق سنہ 2060 تک عالمی سطح پر شرح پیدائش میں کمی کا امکان ہے اور اس وقت تک کسی بھی ملک میں یہ شرح 4 سے زیادہ نہیں ہوگی۔