چین کے نائب وزیر اعظم اور چین امریکا اقتصادی و تجارت کے امور میں چینی رہنما حے لی فونگ نے امریکا کا دورہ کیا اور اس دوران امریکی وزیر خزانہ ییلن کے ساتھ متعدد امور پر بات چیت کی۔
چینی میڈیا کے مطابق فریقین نے کہا کہ سربراہان مملکت کے درمیان طے پانے والے اہم اتفاق رائے کو عملی جامہ پہنانے، سان فرانسسکو میں دونوں سربراہان مملکت کے درمیان ہونے والی ملاقات کے لیے اقتصادی نتائج کی تیاری اور چین امریکا اقتصادی اور تجارتی تعلقات کو صحت مند اور مستحکم ترقی کی راہ پر گامزن کرنے کے لیے پُرعزم ہیں۔
اس موقع پر باہمی رابطوں کو مضبوط بنانے، اتفاق رائے حاصل کرنے، اختلافات کو کم کرنے اور غلط فہمیوں سے بچنے پر اتفاق کیا گیا۔
ملاقات میں چین امریکا اقتصادی اور مالیاتی ورکنگ گروپ کے قیام اور اجلاسوں کے انعقاد کا خیرمقدم کیا گیا۔
فریقین کے رہنماؤں کے درمیان براہِ راست اور باقاعدگی سے بات چیت کرنے پر اتفاق کیا گیا۔
