قومی کرکٹ ٹیم کے فاسٹ بولر حارث رؤف کی بچوں کے ساتھ ٹیپ بال کرکٹ کھیلنے کی ویڈیو وائرل ہوگئی۔
سماجی رابطے کی ویب سائٹ ایکس پر حارث رؤف نے ایک ویڈیو شیئر کی جس میں وہ کسی پہاڑی علاقے میں موجود بچوں کے ساتھ کرکٹ کھیل رہے ہیں۔
ویڈیو میں حارث رؤف پہلے بیٹنگ کرتے ہوئے شاٹ مار کر بلا ہوا میں لہراتے ہیں، فاسٹ بولر نے بچوں کو بولنگ بھی کرائی۔ اس موقع پر حارث کی اہلیہ کو بھی ویڈیو میں بولنگ کراتے دیکھا جاسکتا ہے۔
حارث رؤف نے اپنے کرکٹ کھیلنے کی ویڈیو کے ساتھ پوسٹ میں لکھا کہ ’ان بچوں کی مسکراہٹیں انمول ہیں‘۔
Their smiles are priceless! 🌟 pic.twitter.com/sOYb917svM
— Haris Rauf (@HarisRauf14) December 3, 2023
خیال رہے کہ حارث رؤف پاکستان میں جاری ٹی ٹوئنٹی کپ 2023-24 میں اسلام آباد ریجن کی قیادت کر رہے تھے۔ ان کی ٹیم لگاتار میچز ہارنے کے باعث گروپ مرحلے میں ہی باہر ہوگئی تھی۔
