ڈسٹرکٹ اینڈ سیشن کورٹس اسلام آباد میں غیرشرعی نکاح کیس کی سماعت ہوئی۔ غیرشرعی نکاح کیس کی سماعت سول جج قدرت اللہ نے کی۔
درخواست گزار وکیل رضوان عباسی عدالت کے سامنے پیش ہوئے۔
کیس کے گواہ محمد لطیف نے درخواست گزار وکیل رضوان عباسی کی موجودگی میں قلمبند کرایا۔ اس نے موقف اختیار کیا کہ وہ خاورمانیکا کا گھریلو ملازم تھا۔ سابق چیئرمین پی ٹی آئی عمران خان بشریٰ بی بی کے گھر آتے تھے، اور بشریٰ بی بی کے ساتھ کمرہ میں چلے جاتے تھے۔ اگرمیں بشریٰ بی بی کے کمرے میں جاتا تو مجھے سابق چیئرمین پی ٹی آئی گالیاں دیتے تھے۔ کہتے تھے کہ کمرے سے باہر چلے جاؤ۔
اس پرجج قدرت اللہ نے استفسار کیا کہ کیا سابق چیئرمین پی ٹی آئی، بشریٰ بی بی آپ کو کمرے میں ساتھ بٹھاتےتھے؟
گواہ نے بتایا ’سابق چیئرمین پی ٹی آئی، بشریٰ بی بی مجھے اپنے ساتھ کمرے میں نہیں بٹھاتےتھے، بلکہ مجھے خاورمانیکا کہتے تھے جا کر انہیں دیکھو‘۔
واضح رہے کہ غیرشرعی نکاح کیس میں چاروں گواہان کے بیانات قلمبند ہوگئے، جس کے بعد عدالت نے کیس کے قابلِ سماعت ہونے یا نہ ہونے پر دلائل طلب کرتے ہوئے کیس کی سماعت 8 دسمبر تک ملتوی کردی۔
