پاکستان ٹیلی کمیونیکیشن اتھارٹی (پی ٹی اے) زونل آفس لاہور نے فیڈرل انویسٹی گیشن ایجنسی (ایف آئی اے) سائبر کرائم سرکل کے ساتھ مل کر لاہور میں ایک موبائل فون کمپنی کے فرنچائز پر کامیاب چھاپہ مارا۔ فرنچائز سموں کے غیر قانونی اجرا میں ملوث پائی گئی۔
مزید پڑھیں
پاکستان ٹیلی کمیونیکیشن اتھارٹی سے جاری بیان کے مطابق چھاپے کے دوران 13 بی وی ایس ڈیوائسز اور01 لیپ ٹاپ قبضے میں لیے گئے جبکہ ایف آئی اے کی ٹیم نے ایک شخص کو حراست میں لیا ہے۔
بتایا گیا ہے کہ ایف آئی اے کی جانب سے معاملے کی مزید تفتیش جاری ہے۔ اس سے قبل پی ٹی اے نے سیلز چینل پر سموں کے غیر قانونی اجراء سے متعلق معلومات کی بنیاد پر ایف آئی اے کو شکایت کی تھی۔
