الیکشم کمیشن آف پاکستان نے سپریم کورٹ کی ہدایت کی روشنی میں نیا الیکشن شیڈول جاری کردیا ہے۔ الیکشن کمیشن آف پاکستان کے نوٹیفیکیشن کے مطابق عام انتخابات 8 فروری 2024 کو ہوں گے۔
انتخابی شیڈول کے مطابق 20 سے 22 دسمبر تک امیدوار کاغذات نامزدگی جمع کرواسکیں گے، 24 دسمبر سے 30 دسمبر تک کاغذات نامزدگی کی جانچ پڑتال ہوگی، کاغذات نامزدگی منظور یا مسترد ہونے پر اپیل دائر کرنے کی آخری تاریخ 3 جنوری 2024 ہے۔
#ECP pic.twitter.com/ZbgHMoXKu5
— Election Commission of Pakistan (OFFICIAL)🇵🇰 (@ECP_Pakistan) December 15, 2023
نوٹیفیکیشن کے مطابق 10جنوری 2024 کو اپیلوں پر اپیلٹ اتھارٹی کے فیصلوں کا آخری دن ہوگا۔
جاری الیکشن شیڈول کے مطابق امیدواروں کو انتخابی نشان 13 جنوری کو جاری کیے جائیں گے۔ امیدواروں کی حتمی فہرست 11 جنوری کو جاری کی جائے گی، جب کہ کاغذات نامزدگی واپس لینے کی آخری تاریخ 12 جنوری 2024 ہے۔
الیکشن کمیشن نے آر اوز اور ڈی آر اوز کی ٹریننگ بھی بحال کردی، سپریم کورٹ کے فیصلے کی روشنی میں آر اوز ،ڈی آر اوز کی ٹریننگ بحال کی گئی ہے۔
14دسمبر کا نوٹیفیکیشن واپس لے لیا گیا
#ECP pic.twitter.com/AmBg8oabT7
— Election Commission of Pakistan (OFFICIAL)🇵🇰 (@ECP_Pakistan) December 15, 2023
علاوہ ازیں ایک دوسرے نوٹیفیکیشن کے ذریعے الیکشن کمیشن نے مطلع کیا ہے کہ سپریم کورٹ آف پاکستان کے منظور کردہ 15 دسمبر 2023 کے حکم کے نتیجے میں، الیکشن کمیشن آف پاکستان کا 14دسمبر 2023 کو ایون نمبر کا نوٹیفکیشن واپس لے لیا گیا ہے۔ جب کہ 11 دسمبر2023 کو جاری کرکیا گیا نوٹیفیکیشن فوری طور پر بحال کر دیا گیا ہے۔
