پاکستان نے جیل میں بند کالعدم مذہبی تنظیم جماعت الدعواۃ کے سربراہ حافظ سعید کی حوالگی کے بھارتی حکومت کے مطالبے کی تصدیق کر دی ہے۔
جمعہ کو حافظ سعید کی حوالگی کی بھارتی درخواست کے حوالے سے میڈیا کے سوالات کے جواب میں ترجمان وزارت خارجہ ممتاز زہرہ بلوچ کا کہنا تھا کہ بھارت کی طرف سے حافظ سعید کی حوالگی کی درخواست موصول ہوئی ہے۔
مزید پڑھیں
ترجمان دفتر خارجہ کا کہنا تھا کہ ’ بھارت اور پاکستان کے درمیان کسی شہری کی اس طرح حوالگی کا کوئی دو طرفہ معاہدہ موجود نہیں ہے۔
ترجمان دفتر خارجہ نے بتایا کہ پاکستان کو بھارتی حکام کی جانب سے نام نہاد منی لانڈرنگ کیس میں حافظ سعید کی حوالگی کی درخواست موصول ہوئی ہے۔
واضح رہے کہ گزشتہ سال لاہور کی ایک عدالت نے حافظ سعید کو غیر قانونی فنڈنگ کے مقدمے میں ملزم قرار دیتے ہوئے انہیں 31 برس قید کی سزا سنائی تھی۔
