الیکشن کمیشن آف پاکستان اور چیف سیکریٹری پنجاب نے لیول پلیئنگ فیلڈ کیس میں اپنا جواب سپریم کورٹ میں جمع کرا دیا ہے۔
الیکشن کمیشن کی جانب سے جمع کرایا گیا جواب 322 صفحات جبکہ چیف سیکریٹری کی جانب سے جمع کرایا گیا جواب 242 صفحات پر مشتمل ہے۔
عدالت کے استفسار پر تحریک انصاف کے وکیل کا کہنا تھا کہ ان رپورٹس پر تحریری جواب جمع کرانا چاہتے ہیں۔
تحریک انصاف کے وکیل نے تفصیلی جواب جمع کرانے کے لیے 3 روز کا وقت مانگا۔
عدالت نے تحریک انصاف کو جواب جمع کرانے کے لیے مہلت دے دی اور مزید سماعت 15 جنوری تک کے لیے ملتوی کر دی۔