پاکستان پیپلزپارٹی پارلیمنٹیرینز کے شریک چیئرمین آصف علی زرداری نے کہا ہے کہ بلاول بھٹو کو لاہور سے الیکشن جتوا کر وزیراعظم بنائیں گے۔
لاہور میں الیکشن مہم کے دوران تقریب سے خطاب کرتے ہوئے انہوں نے کہاکہ ہمارا سفر بہت لمبا ہے، 40 سال سے سیاست کر رہے ہیں۔
مزید پڑھیں
انہوں نے کہاکہ میں جب جیل میں تھا تو یہاں کے میرے کارکنان ملنے آتے تھے، ہمیں جیلوں میں رہنے کا شوق نہیں مگر کارکنوں کے آگے مجبور ہیں۔
آصف زرداری نے کہاکہ کارکنوں کو یقین ہوتا ہے کہ ہمارا لیڈر جھکے گا نہیں۔
واضح رہے کہ چیئرمین پی پی پی بلاول بھٹو زرداری لاہور سے قومی اسمبلی کا الیکشن لڑ رہے ہیں۔
بلاول بھٹو نے ان دنوں مسلم لیگ ن کو نشانے پر رکھا ہے اور ان کا بیانیہ ہے کہ تیر کے ذریعے شیر کا شکار کر کے دکھائیں گے۔
